25 Mamyr, 20:49 2145 0 Jańalyqtar Asyl TUMAR

Shekaralyq baqylaý beketi: qujat tekserýdiń jańa ádisi qoldanylýda

Sýret ǵalamtordan alyndy
Sýret ǵalamtordan alyndy

Búgingi tańda shekarany sheteldikter men qazaqstandyqtar kesip ótýge tyıym salynǵan. Bul týraly QR UQK Shekara qyzmetiniń Instagram paraqshasynda karantındik shekteýler kezeńindegi memlekettik shekarany kesip ótý tártibi boıynsha onlaın konferenııada aıtyldy, – dep jazdy QazAqparat.

«Ózderińizge belgili, 51 avtomobıldik ótkizý pýnktiniń jıyrmasy ýaqytsha jabyq. Qazaqstan-Qytaı shekarasynda 3 ótkizý pýnkti, Qazaqstan-Reseı memlekettik shekarasynda 10 ótkizý pýnkti, Qazaqstan-Ózbekstan shekarasynda 2 ótkizý pýnkti, Qazaqstan-Qyrǵyz shekarasynda 5 ótkizý pýnkti jabyq. Búgingi tańda shekarany sheteldikter men qazaqstandyqtar kesip ótýge tyıym salynǵan. Muny bári túsinýi kerek. Degenmen, sheteldegi Qazaqstan azamattary elge esh kedergisiz kele alady. Al karantındik shekteý qoıylǵanǵa deıin Qazaqstanda qalyp qoıǵan sheteldik azamattar Qazaqstannan shyǵa alady», – deıdi UQK Shekara qyzmeti Shekaralyq baqylaý departamentiniń orynbasary Oleg Kısenko.

«Qaýipti seıiltý maqsatynda qujatty tekserýdiń jańa ádisin oılap taptyq. Ol ádis ótkizý pýnkterinde qoldanylýda. Adamdarmen az baılanysatyn ádisti qoldaný arqyly durys baqylaý qamtamasyz etildi jáne jeke quramdy aýrý juqtyryp alýdan qorǵadyq. Bul praktıka aldaǵy ýaqytta da jalǵasyn tabady», – deıdi ol.

Sońǵy jańalyqtar