25 Mamyr, 14:05 1015 0 Jańalyqtar Asyl TUMAR

1-synypqa qujat qabyldaý 1 maýsymnan bastalady

Sýret ǵalamtordan alyndy
Sýret ǵalamtordan alyndy

Jańa oqý jylynda 1-synypqa qujat qabyldaý 2020 jyldyń 1 maýsym men 30 tamyzy aralyǵynda júzege asady.

Bilim jáne ǵylym mınıstrliginiń habaraýynsha, birinshi synypqa balalardy qabyldaý úshin qujattar tizimin tolyq ótkizý qajet. Olar:

  • balanyń ata-anasynan (zańdy ókilderinen) ótinish (erkin túrde);
  • balanyń týý týraly kýáliginiń kóshirmesi;
  • bala densaýlyǵy pasporty (026/ý-3 forma, 063/ý nysan boıynsha densaýlyq jaǵdaıy týraly qujat);
  • 3x4 kólemindegi foto.

Jaqynda Nur-Sultan qalasynyń bilim basqarmasynyń basshysy Sholpan Qadyrova jańa oqý jylynda 1-shi synypqa qabyldaý, mektepten mektepke, synyptan synypqa aýystyrý máselesi qalaı retteletinin aıtyp bergen bolatyn.

«Balalardy birinshi synypqa qabyldaý, mektepten mektepke, synyptan synypqa aýystyrý qyzmeti EGOV.kz elektrondyq úkimet portaly arqyly avtomattandyrylǵan. Ata-analar portaldyń «Bilim berý» bóliminde «Orta bilim berý» bólimin tańdaý arqyly kirip, ótinish berip, qajetti qujattardy tirkeıdi. Qujat tapsyrý merzimi – 15 mınýt. Memlekettik qyzmet kórsetý nysany – elektrondy. Ata-ananyń jeke kabınetine balany qabyldaǵan nemese qabyldamaǵany sebebi týraly habarlama keledi», – degen bolatyn Sholpan Qadyrova Nur-Sultan qalasy ákimdiginiń Facebook paraqshasynda onlaın rejımde ótken baspasóz máslıhatynda.

Erekshe bilim berýdi qajet etetin balalardy bilim berý uıymdaryna oqýǵa qabyldaý úshin zańdy ókilderdiń kelisimimen portalǵa qosymsha pedagogıkalyq-medıınalyq-psıhologııalyq komıssııanyń qorytyndysy elektrondy túrde (skanerlengen nusqasy, foto)  usynylady.

«Mekteptiń qabyldaý komıssııasy oqýǵa ótinish bergen kezde basqa qosymsha qujattardy talap etpeýi tıis. Jańa oqý jylyna daıyndyq maqsatynda 17 tamyzdan bastap mektepterde ata-analardyń qalaýy boıynsha aqysyz negizde jazǵy mektep jumysyn ótkizý josparlanýda», – dedi ol.

Kez-kelgen ózgerister týraly aqparat resmı saıtta jáne áleýmettik jelilerde habarlanady.

Sońǵy jańalyqtar