22 Mamyr, 20:06 1953 0 Jahan Anar LEPESOVA

Almazbek Atambaevtyń jaǵdaıy kúrt nasharlady

Otbasymen júzdesý kezinde Qyrǵyzstannyń burynǵy prezıdenti Almazbek Atambaevtyń jaǵdaıy kúrt nasharlap ketti. 

Eks-prezıdenttiń uly Seıd Atambaev óziniń Facebook paraqshasynda ákesiniń jaǵdaıy nelikten nasharlaǵanyn aıtty.

Almazbek Atambaevtyń otbasy músheleriniń koronavırýsqa tapsyrǵan, test nátıjeleri teris bolǵanymen, ony jaqyndarymen tek shyny tereze arqyly kezdestirýde. Ulynyń aıtýynsha, osymen úshinshi ret kezdesýdiń mundaı jaǵdaıda ótkizilýi Atambaevtyń densaýlyǵynyń nasharlaýyna sebep bolǵan.

"Atambaev úshin koronavırýs boıynsha teris nátıjeleriniń anyqtamalary bar týystarymen kezdesý qaýipti, alaıda sotta Qoıtashtaǵy oqıǵalar boıynsha ondaı anyqtamalary joq ondaǵan adammen kezdesý qaýipsiz. Bul – túsiniksiz jaǵdaı", – deıdi eks-prezıdenttiń uly.

Eks-prezıdenttiń aıtýynsha, oǵan úlken moraldyq qysym kórsetilýde. Alaıda, ol óziniń densaýlyq jaǵdaıyna shaǵymdanǵysy kelmeıdi, bul onyń qaǵıdalaryna qaıshy. Saıasatkerdiń sózinshe, qazir bılik onyń ómirindegi eń qymbat dúnıesinen – otbasymen birge bolý múmkindiginen aıyryp otyr.

Sońǵy jańalyqtar