22 Mamyr, 16:32 3197 0 Bilim Anar LEPESOVA

Shymkentte balabaqshalar qashan ashylatyny belgili boldy

Shymkent qalalyq bilim basqarmasynyń basshysy Janat Tájıeva qalada balabaqshalardyń jumysy qashan jandanatynyn aıtty. 

Janat Tájıevanyń sózinshe, balabaqshalar 25 mamyrdan bastap ashylady.

Basqarma basshysy mektepke deıingi mekemelerge balalardy qabyldaýy boıynsha jańa algorıtm qabyldanǵanyn jetkizdi.  Oǵan sáıkes, balabaqshaǵa barǵysy keletin balalar men ondaǵy tárbıeshilerden densaýlyǵy týraly anyqtama talap etiledi.

«Algorıtmge sáıkes, birinshi kezekte balany pedıatrdyń anyqtamasymen qabyldaıtyn bolamyz. Balanyń densaýlyǵy jaqsy ekenin dáleldeıtin qujattardy suraımyz. Sonymen qatar, balabaqshadaǵy qyzmetkerlerdiń de densaýlyqtary jóninde árqaısysynan anyqtamasyn talap etemiz. Budan bólek, ata-anasy nemese olarmen qarym-qatynastaǵy týystarynyń da saýlyǵy jazylǵan qujattaryn suratyp, arnaıy tekserýden keıin ǵana balalardy balabaqshaǵa kirgizemiz»,- dedi Janat Tájıeva.

Basqarma basshysy ár toptaǵy bala sany 15-ten aspaıtynyn aıtty. Qazirgi kezde osy maqsatta arnaıy tizim jasaqtala bastaǵan.

Balabaqshaǵa kelýshi búldirshinder men barsha qyzmetkerlerdiń sát saıyn dene qyzýy tekserilip, qoldary arnaıy antıseptıktermen zalalsyzdandyrylýy tıis. Sondaı-aq, saqtyq sharalary úshin balalardyń ara qashyqtyǵy saqtalyp, balabaqsha aýmaǵy, ǵımarattyń ishi men syrtynda dezınfekııa jumystary júrzigilmek.

Aıta keteıik, indettiń taralýynsh shekteý maqsatynda Shymkentte meıramhanalar men dámhanalar ázirge ashylmaıdy.

Ótken táýlikte Shymkentte 31 adamnan koronavırýs anyqtalyp, qalada indet juqtyrǵandardyń jalpy sany 539-ǵa jetti.

Al respýblıka boıynsha bir kún ishinde 363 adamnyń qaterli vırýs juqtyrǵany belgili boldy. Elimizde koronavırýsqa shaldyqqandardyń jalpy sany – 7597. Indet taralǵaly 35 naýqas kóz jumdy.

Sońǵy jańalyqtar