22 Mamyr, 13:55 319 0 Saıasat Anar LEPESOVA

Atyraý oblysynyń ákimi jańa orynbasaryn tanystyrdy

Atyraý oblysy ákiminiń birinshi orynbasary qyzmetine QR Prezıdenti Ákimshiliginiń kelisimimen Nurlan Baqtybaıuly Taýbaev taǵaıyndaldy. 

Atyraý oblysynyń ákimi Mahambet Dosmuhambetov jańa orynbasaryn oblystyq máslıhattyń kezekti sessııasynda tanystyrdy.

Nurlan Baqtybaıuly 1976 jyly 26 mamyrda Atyraý qalasynda dúnıege kelgen. Bilimi joǵary, Atyraý memlekettik munaı jáne gaz ınstıtýtyn taý-ken geologııa ınjeneri, Qazaqstandyq ekonomıka jáne quqyq ınstıtýtyn zańger, H.Dosmuhamedov atyndaǵy Atyraý memlekettik ýnıversıtetin ekonomıst-menedjer mamandyqtary boıynsha bitirgen.

Eńbek jolyn 1995 jyly Atyraý qalasynda «Ekspress-Iýg» jaýapkershiligi shekteýli seriktestigi dırektorynyń orynbasary qyzmetinen bastaǵan.

1998-2000 jyldar aralyǵynda «Densaýlyq» jáne «Islam» jaýapkershiligi shekteýli seriktestikteriniń dırektory bolǵan.

2000-2006 jyldary Atyraý qalalyq turǵyn úı-kommýnaldyq sharýashlyǵy, jolaýshylar kóligi jáne avtokólik joldary bóliminiń bastyǵy, 2006-2008 jyldary Qazaqstan Respýblıkasy Indýstrııa jáne saýda mınıstrligi Básekelestikti qorǵaý komıtetiniń Atyraý oblysy boıynsha Monopolııaǵa qarsy basqarmasynyń basshysy, 2008-2012 jyldary Qazaqstan Respýblıkasy Básekelestikti qorǵaý agenttiginiń (Monopolııaǵa qarsy agenttik) Atyraý jáne Mańǵystaý oblystary boıynsha óńiraralyq ınspekııasynyń basshysy, 2012-2014 jyldary Qazaqstan Respýblıkasy Básekelestikti qorǵaý agenttiginiń (Monopolııaǵa qarsy agenttik) Atyraý oblysy boıynsha monopolııaǵa qarsy ınspekııasynyń basshysy, 2014-2015 jyldary Qazaqstan Respýblıkasy Ulttyq ekonomıka mınıstrliginiń Tabıǵı monopolııalardy retteý jáne básekelestikti qorǵaý komıtetiniń strategııalyq taldaý basqarmasynyń bas sarapshysy, 2015-2017 jyldary Qazaqstan Respýblıkasy Ulttyq ekonomıka mınıstrliginiń Tabıǵı monopolııalardy retteý jáne básekelestikti qorǵaý komıteti Atyraý oblysy boıynsha departamentiniń basshysy, 2017-2018 jyldary Qazaqstan Respýblıkasy Ulttyq ekonomıka mınıstrliginiń Tabıǵı monopolııalardy retteý, básekelestikti jáne tutynýshylardyń quqyqtaryn qorǵaý komıteti Atyraý oblysy boıynsha departamentiniń basshysy, 2018-2019 jyly Atyraý qalasy ákiminiń orynbasary, Atyraý oblysy ákiminiń orynbasary laýazymdaryn atqarǵan.

Sonymen qatar 2008-2012 jyldary Atyraý oblysynyń aýmaqtyq saılaý komıssııasynyń tóraǵasy qyzmetin qoǵamdyq negizde atqarǵan.

Sońǵy jumys orny Qazaqstan Respýblıkasy Ulttyq ekonomıka mınıstrliginiń Tabıǵı monopolııalardy retteý komıteti Atyraý oblysy boıynsha departamentiniń basshysy.

Buǵan deıin Atyraý oblysy ákiminiń birinshi orynbasary bolǵan Serik Jambyluly Shapkenov basqa qyzmetke aýysýyna baılanysty óz ótinishimen qyzmetinen bosatyldy.

 

Sońǵy jańalyqtar