22 Mamyr, 13:29 406 0 Jahan Anar LEPESOVA

Vashıngton Ashyq aspan kelisimshartynan shyǵatynyn málimdedi

AQSh-tyń bul sheshimine Reseıdiń qujat sharttaryn birneshe ret buzýy sebep.

AQSh Memlekettik hatshysy Maık Pompeonyń aıtýynsha, Reseı áskerıleri kelisim boıynsha Amerıka men Eýropanyń aýmaǵymen ushyp, baqylaýdy joǵary dáldikti qarýyn strategııalyq nysandarǵa baǵyttaýǵa paıdalanǵan. Al amerıkalyqtarǵa óziniń keı aýdandarynyń ústimen ushýǵa ruqsat bermegen.

"Bizdiń Reseımen qarym-qatynasymyz óte jaqsy. Alaıda Reseı Ashyq aspan týraly kelisimdi saqtamaı otyr. Eger shartty oryndamasa, biz kelisimdi toqtatamyz. Biraq jańa jol tabýǵa múmkindigimiz mol dep oılaımyn", - dedi Donald Tramp.

Dese de, Eýropanyń birqatar memleketi Vashıngtonnyń sheshimin quptamaıtyndaryn jetkizdi.

Aıta keteıik, Ashyq aspan týraly kelisimshart 1992 jyldyń naýryz aıynda qabyldanǵan. Qujat boıynsha 35 memleket bir-biriniń aýmaǵymen ushyp, áskerı ahýaldy baqylap otyrýǵa ýaǵdalasqan.

 

Sońǵy jańalyqtar