22 Mamyr, 09:47 202 0 Jahan Anar LEPESOVA

Bıyl Eýroodaq ekonomıkasy 7,7 paıyzǵa tómendeıdi – Eýrokomıssııa

Eýrokomıssııa Eýroodaq elderine ekonomıkalyq ósimdi qalpyna keltirý joldaryn usyndy.

Nusqaýlar jıyntyǵynda  áleýmettik, ekologııalyq jáne ekonomıkalyq máselelermen qatar densaýlyq saqtaý salasynyń turaqty damýy men ıfrlandyrý josparlary qamtylǵan.

Eýrokomıssııa vıe-prezıdenti Valdıs Dombrovskıstiń dereginshe, bıyl Eýroodaq ekonomıkasy 7,7 paıyzǵa tómendeıdi. Indet kezinde turalaǵan ekonomıkalardy qalpyna keltirý jospary boıynsha bólinetin qarajat bir trıllıon eýrodan asýy múmkin. Vıe-prezıdenttiń aıtýynsha, bul somaǵa nesıeler men granttar da kiredi.

«Qazirdiń ózinde 30 mıllıonnan asa adam jartylaı eńbek etip jatyr. Shuǵyl shara qabyldamasaq, bul jappaı jumyssyzdyqqa ulasýy múmkin. AQSh-ta bir aı ishinde eńbek naryǵyndaǵy jaǵdaı kúrt ýshyǵyp ketti. Eýropa buǵan jol bermeýi tıis. Biz jastar arasynda jumyssyzdyqpen kúreske basty kóńil bólýimiz kerek. Eýroodaqtyń keıbir elderinde jastardyń jartysy eki qolyna bir kúrek taba almaı júr», - dedi jumyspen qamtý saýaldary jáne áleýmettik quqyqtar jóninde eýrokomıssar Nıkolıa Shmıt.

Kásiporyndar qyzmetkerlerin jumystan shyǵarmaı, qaıta daıyndaý baǵdarlamalaryn júzege asyrý úshin 1 maýsymda 100 mıllıard eýro bólinbek. Bul qarajat esebinen Eýroodaq elderi jumys berýshilerge jeńildikpen nesıe beredi.

Aıta keteıik, buǵan deıin AQSh-ta jumyssyzdyq deńgeıi 14,7 paıyzǵa jetkenin habarlaǵanbyz. Elde 1948 jyldan beri mundaı alańdatarlyq  kórsetkishter tirkelmegen. Sońǵy ret osyǵan uqsas jaǵdaı 1982 jyly bolǵan. Alaıda ol ýaqyttyń ózinde jumyssyzdyq deńgeıi 10,8 paıyzdan aspaǵan deıdi mamandar.

Sońǵy jańalyqtar