21 Mamyr, 21:42 348 0 Jahan Anar LEPESOVA

Ispanııa premer-mınıstri halyqtan qatelikteri úshin keshirim surady

Ispanııa premer-mınıstri karantınniń uzartylǵany úshin el turǵyndarynan keshirim surady, dep habarlaıdy Euronews. 

«Pandemııanyń taralýy bizdi muqııat bolýǵa úıretti. Adamdardyń densaýlyǵy úshin shekteý sharalary áli de saqtalatyn bolady. Men azamattardan asyǵys jasaǵan qatelikter úshin, resýrstardyń jetispegeni úshin, daǵdarystyń aýqymy artqany úshin keshirim suraǵym keledi», - dedi Pedro Sanches.

Ispanııada úkimettiń karantın rejımin uzartý sheshimine narazylar kóp. Kóshege shyǵýǵa ruqsat etilgen aımaqtardyń turǵyndary úkimettiń otstavkaǵa ketýin talap etý maqsatynda narazylyq akııasyna shyqpaq. Olar Sanchesti oılanbaǵan jáne tıimsiz sharalardy qoldaǵany, ekonomıkany álsiretkeni jáne azamattardyń erkindigin buzǵany úshin aıyptaýda.

Beısenbiden bastap  ıspanııalyqtar kóshede jáne barlyq qoǵamdyq oryndarda adamdar arasynda eki metr qashyqtyqty saqtaý múmkin bolmaǵan jaǵdaıda betperde kııýge mindetteledi. Alaıda kún ysyǵan saıyn saqtyq sharalaryn oryndaý qıyndyq týdyrýda.

Aıta keteıik, Djons Hopkıns ýnıversıtetiniń sońǵy deregi boıynsha Ispanııada 232 555 adam indet juqtyrǵan. Koronavırýsqa shaldyqqandar sany jóninen bul el álem boıynsha besinshi orynda tur.

Sońǵy jańalyqtar