21 Mamyr, 21:07 193 0 Bıznes Anar LEPESOVA

Sanıtarlyq talaptardy oryndamaǵan kásipkerler 4 mln teńge aıyppul arqalaıdy

Búgin Almatynyń  bas sanıtary Jandarbek Bekshın bastaǵan mobıldi top jumysyn jandandyrǵan mekemelerdi aralap shyqty. 

Onyń ishinde azyq-túlik dúkenderi, sán salondary men Kók bazar bar.

Qalalyq kásipkerlik basqarmasy, «Atameken» ulttyq kásipkerler palatasynyń ókilderi men sanıtar dárigerlerden qurylǵan mobıldi top, aldymen ámbebap azyq-túlik dúkeninen bastady. Bul saýda ornynda nannyń arnaıy qaptamaǵa salynbaı saýdalanyp jatqandyǵy anyqtaldy, dep habarlaıdy "Almaty" arnasy.

Mundaǵylardyń barlyǵynda qos-qostan qolǵap pen betperde bar eken. Al, myna sán salony bolsa betperdesiz kelgenderdi qabyldaı beretin bolyp shyqty. Odan ózge, jumysshylar maskany ár 20 mınýt saıyn aýystyryp turamyz dep bas sanıtardyń aldynda shatasty. Tıisinshe, Jandarbek Bekshın salon ákimshisine eskertý jasady.

«Olardyń aıtatyn ár 20 mınýt saıyn betperdeni aýystyramyz deıdi. Olaı emes. Siz olarǵa durystap túsindirińiz. Bir betperdeni ár 2-3 saǵat saıyn aýystyrý qajet. Jáne ony taqqan kezde aýyz ben muryndy tolyq jaýyp turýy qajet», – dedi qalalyq memlekettik bas sanıtarlyq dáriger Jandarbek Bekshın.

Al, adam kóp jınalatyn Kók bazarǵa eskertý kóp aıtyldy. Máselen, 500 sharshy metrden asatyn mekemege kelýshilerdiń mindetti túrde dene qyzýy qashyqtan tekserilýi qajet. Alaıda, ortalyq bazarda mundaı qurylǵy bolmaı shyqty. Bazar qojaıyndary bolsa syltaý aıtýmen álek.

Sanıtarly normalardy saqtaý degenimiz – bul tek betperde taǵyp, qolǵap kııý ǵana emes. Sondaı-aq, sanıtaızerlermen antıseptıkter, sonymen qatar áleýmettik araqashyqtyqty saqtaý mańyzdy. Ol úshin osyndaı saýda oryndarynda mindetti kelýshilerge arnaıy belgi ornatylýy qajet.

Al, bul bazarda arnaıy belgiler sanaýly qatarlar da ǵana bar. Shetki qatarlardan araqashyqty bildiretin belgini mobıldi top taba almady. Birneshe ereje buzýshylyqty anyqtaǵan mamandar aldaǵy ýaqytta aıyppul salynady dedi.

«Bazardyń ákimshiligine aıyppul salý úshin Medeý aýdanynyń bas sanıtarlyq dárigerine tapsyrma berildi. Bul – iri bıznes. Sondyqtan bul nysanǵa iri aıyppul salynady. Bizdiń jumyskerlerimiz qarap shyǵady. Aıyppuldyń kólemi iri bıznes bolyp shyqsa, 4 mıllıon teńgege deıin jetedi», – dedi edi qalalyq memlekettik bas sanıtarlyq dáriger Jandarbek Bekshın.

Qalalyq bas anıtardyń sózinshe, Almatynyń barlyq aýdandarynda osyndaı birneshe mobıldi top qurylǵan. Olar osy ýaqytqa deıin qala boıynsha 3000-nan astam kásiporyndy tekserip, 100-ge jýyǵyna tıisti shara qoldanǵan.

Sońǵy jańalyqtar