21 Mamyr, 19:16 353 0 Zań Anar LEPESOVA

Almatyda blokbeketten adam ótkizý úshin para alǵan ákimdik qyzmetkeri sottaldy

Almatyda blokposttan azamattardy kedergisiz ótkizgen ákimdik qyzmetkeri sottaldy. Bul týraly QR Sybaılas jemqorlyqqa qarsy is-qımyl agenttigi habarlady.

«2020 jyldyń 13 mamyrynda Almaty qalasy Jetisý aýdandyq №2 sotynyń úkimimen Almaty qalasy turǵyndarynan «Aybulaq» sheńberindegi №11 blokpost arqyly kedergisiz arly-berli ótýleri úshin birneshe márte jalpy somasy 380 myń teńgeden asatyn parany alǵany úshin Almaty qalasy Jetisý aýdandyq ákimi apparaty memlekettik-quqyqtyq bóliminiń bas mamany S.Orazov sottaldy», - delingen vedomstvo aqparatynda.

Agenttik málimetinshe, sot úkimimen oǵan 13 mln 300 myń teńge aıyppul salyndy. Sonymen qatar ol memlekettik qyzmette laýazym atqarý quqyǵynan ómir boıyna aıyryldy.

 

Sońǵy jańalyqtar