21 Mamyr, 17:57 352 0 Jańalyqtar Anar LEPESOVA

«Álem qazaqtarymen suhbat» jobasy qolǵa alyndy

Dúnıejúzi qazaqtarynyń qaýymdastyǵy men "Otandastar" qory birlesip, sheteldegi qandastarymyzdyń suraýy boı̆ynsha «Álem qazaqtarymen suhbat» baǵdarlamany qolǵa aldy. Onyń negizgi maqsaty - sheteldegi qazaqtardyń tynys-tirshiligimen tanystyrý.

Baǵdarlama aıasynda qoǵamnyń damýyna óz úlesin qosyp júrgen bedeldi qandastarymyz Dúnıejúzi qazaqtarynyń qaýymdastyǵynyń Instagram paraqshasynda jáne You Tube kanalanda tikeleı̆ efır arqyly suhbat beredi.

Baǵdarlamanyń júrgizýshisi - Syrymbek Tóleýuly.

Osy ýaqytqa deı̆in «Aq nıet» óner ortalyǵynyń art-dırektory, reseı̆lik qandasymyz Svetlana Albıkova, «Omby» qazaqtary uı̆ymynyń tóraǵasynyń orynbasary Torǵyn Ashenova, Dúnıejúzi qazaqtary qaýymdastyǵynyń tóralqa múshesi, Qazaq-Túrik bilim jáne zertteý qaýymdastyǵynyń tóraǵasynyń birinshi orynbasary, «Qazaq eli» jýrnalynyń baspageri Shaban Serkan Dınchtúrk, "Tau group of companies" Basshysy Syrymbek Taýulymen suqbat uı̆ymdastyryldy.

Sondaı̆-aq, «Qandastar kóshi nege saıabyrsyp qaldy?» degen taqyrypta májilis depýtaty Nurjan Áltaev suhbat berdi.

Aldaǵy suhbat 22 mamyrda uı̆ymdastyrylady. Keshtiń qonaǵy - Túrkııanyń Mımar Sınan kórkem óner ýnıversıtetiniń professory, Alash qozǵalysynyń qaı̆ratkeri Mustafa Shoqaı̆dyń ómiri men murasyn zerttegen ǵalym Ábdýaqap Qara.

Sonymen qatar, eńbek, áleýmettik qorǵaý jáne kóshi-qon komıtet kóshi-qon proesteriniń monıtorıngi basqarmasynyń basshysy Dastan Aı̆tqulov ózekti suraqtarǵa jaýap beredi dep josparlanyp otyr.

Sońǵy jańalyqtar