21 Mamyr, 17:38 286 0 Týrızm Anar LEPESOVA

Grekııada týrıstik maýsym qashan ashylatyny belgili boldy

Grekııa premer-mınıstri Kırıakos Mıotakıs memleket sheteldik týrısterdi qashan qabyldaıtynyn aıtty, dep habarlady Ekathimerini.

Úkimet basshysynyń aıtýynsha, týrıstik maýsym 15 maýsymda ashylady. Al 1 shildeden bastap barlyq týrıstik baǵyttaǵy halyqaralyq reıster qalpyna keltirilmek.

15 maýsymnan bastap reıster tek Afına halyqaralyq áýejaıyna, al 1 shildeden bastap áýe reısteri eldegi barlyq áýejaıǵa qonady. Elge keletin týrısterden koronavırýs juqtyrmaǵany týraly anyqtama talap etilmeıdi.

Eń alǵashqy týrıster Balqan túbegi jáne soltústik Eýropa elderinen keledi dep kútilýde.

Aıta keteıik, búginde Grekııada 2850 adamnan koronavırýs anyqtaldy. Indetten 166 adam kóz jumdy.  400-ge jýyq naýqas dertinen aıyqty.

Al álem boıynsha qaterli vırýs juqtyrǵandar sany 5 mıllıonnan asyp jyǵyldy. Djons Hopkıns ýnıversıtetiniń dereginshe, indetten 328 myńnan asa adam kóz jumdy.

Eske sala ketsek, buǵan deıin Túrkııanyń demalys oryndary týrısterdi qashan qabyldaıtynyn habarlaǵanbyz.

Sońǵy jańalyqtar