21 Mamyr, 15:37 206 0 Qoǵam Anar LEPESOVA

AShM alańdaýly: Marokkolyq shegirtke 824 myń gektarǵa taralýy múmkin

Marokkolyq shegirtkeniń alǵashqy taralý oshaqtary anyqtaldy, dep habarlaıdy QR AShM baspasóz qyzmeti.

Buǵan deıin aıtylǵandaı, 2020 jyly respýblıkada úıirli jáne saıa shegirtke zııankesteri 824 myń gektarǵa taralýy kútilýde. Osy boljamdarǵa sáıkes, QR Aýyl sharýashylyǵy mınıstrligi ótken jyldan bastap aýyl sharýashylyǵy daqyldarynyń zııankesterimen kúres jónindegi is-sharalarǵa aýqymdy daıyndyq júrgizdi.

Atap aıtqanda, respýblıkalyq jáne jergilikti bıýdjetterden 1,5 mıllıard teńge bólindi, olarǵa pestııdterdiń ár túrli toptarynyń preparattary, sondaı-aq boljanatyn barlyq alańǵa hımııalyq óńdeý jumystary boıynsha qyzmetter satyp alyndy.

AShM mamandary shegirtke zııankesteriniń oshaqtaryn GPS navıgatorlar men trekerlerdiń kómegimen izdeý barysynda respýblıka boıynsha shamamen 40 mln ga jer kólemin zertteý josparlanǵanyn atap ótti.

Alǵashqy qorǵaý is-sharalary respýblıkanyń ońtústik aımaqtarynda 10 sáýirden bastaldy. Túrkistan jáne Jambyl oblystarynda Marokko shegirtkesi 143 myń ga alańda anyqtaldy. Qazirgi ýaqytta zııankester qonystanǵan alańnyń 67% - dan astamy óńdeldi.

Basqa aımaqtarda shegirtke zııankesteriniń taralý oshaqtarynyń anyqtalýyna baılanysty hımııalyq óńdeý jumystary bastalady. Kórshiles memlekettermen shekaralas aýmaqtarda birlesken zertteýler júrgiziledi.

Bul týraly QR AShM mamandary RF, Qytaı jáne Ózbekstannan kelgen áriptesterimen aldyn ala kelisimge keldi.

 

Sońǵy jańalyqtar