21 Mamyr, 13:58 599 0 Atajurt Baqytbek Qadyr

Nurbesik turǵyndaryna ákimshilik nege qyryn qarap otyr?

Gazettiń ATAJURT jobasy aıasynda 2020 jylǵy 20 aqpandaǵy №7 sa­nyn­da «Nurbesiktegi qandastar 12 jyl turǵan úılerin zańdastyra almaı júr» degen taqyrypta materıal ja­rııalanǵan bolatyn. Onda ózderi sal­ǵan úılerin zańdastyra almaı otyr­ǵan qandastardyń máselesin kó­tergen edik.

Elbasy N.Nazarbaevtyń kóshi-qon saıa­satyn damytý jáne qandastardy bas­pa­naly etý maqsatynda Nur-Sultan qa­lasynyń irgesinen Nurbesik aýyly boı kótergen.

Munda atajurtqa kóship kelgen ǵa­lym­dar, muǵalimder, jýrnalıster jáne bas­qa da jas maman ıeleri qonystanǵan. Úılerdiń barlyǵy ákimshilik bekitken tártipke saı júzege asqan. Úılerdiń ar­hıtektýralyq aýytqýy joq. Barlyǵy zań talaptaryna sáıkes salynǵan. Turǵyndar bul úılerdi «Asar» respýblıkalyq qoǵam­dyq birlestigi jáne ákimshiliktiń úıdi salyp bolǵansha jerdi jalǵa alý týraly ja­sasqan arnaıy sharty negizinde salǵan. Qa­zir úıler salynyp boldy, endi tur­ǵyn­dar óz kúshimen salyp alǵan úılerin óz attaryna zańdy negizde qujattandyryp alǵysy keledi.

Al memleketke ıek artpaı óz kúshimen úı salyp, elordamyzdyń damýyna úles­terin qosqan qandastar jer telimderin zańdastyra almaı otyr.  Jerdi zańdas­tyrý úshin «Asar» respýblıkalyq qoǵam­dyq birlestigi jáne Nurbesik turǵyndary Saryarqa aýdandyq sotyna shaǵymdanǵan. Aryzdanýshy taraptyń quqyǵyn qor­ǵaýshy zańgerdiń aıtýyna qaraǵanda, tur­ǵyndar men birlestiktiń bul shaǵym­danýy zań aıasynda júzege asqan. Alaıda aýdandyq sot bul aryz-talapqa negizsiz de­gen sheshim shyǵarǵan. Budan keıin qa­lalyq sotqa shaǵymdanǵanda qalalyq sot tur­ǵyndardyń jáne «Asar» respýb­lı­kalyq qoǵamdyq birlestigi basshyla­ry­nyń qatysýynsyz sheshim shyǵarǵan. Buǵan turǵyndar narazy.

Biz Nur-Sultan qalasynyń ákimi Altaı Kólginov myrzanyń atyna hat jazyp, bul máseleni sheship berýge yqpal etýin já­ne qandaı shara qoldanýǵa bolatyny jaı­ly suraǵan edik. Hatymyzǵa Nur-Sul­tan qalasynyń «Sáýlet, qala qurylysy já­ne jer qatynastary basqarma» basshysy N.Uranhaevtyń atynan jaýap hat kel­di. Ókinishke qaraı, hatta tek zańǵa sil­teme jasalǵan qasań sóılemder ǵana. Hat­tyń tolyq mátinin túsiný óte kúrdeli. Bir túsingenimiz qandastar zańdy túrde sa­lyp alǵan úıleriniń jerin tek qana jal­ǵa alady eken. Budan 12 jyl buryn sa­lyna bastaǵan aýyl turǵyndary osy ýa­qytqa deıin memleketke 40 mıllıon teń­ge jalǵa alý qunyn tólegen. Al endi ta­ǵy da jerdi jalǵa alý qunyn tóleı bas­taǵan ary qaraı olardyń turmysyna qalaı áser etetinin eseptep kórińiz. Son­daı-aq hatta «Nurbesik turǵyn úı keshe­nindegi jáne birlestiktiń bul aryz-talaby azamattyq-quqyqtyq másele, oǵan jer­gilikti atqarýshy organdar aralasa al­maıdy» dep atap ótken.

Baqytbek QADYR

 

Sońǵy jańalyqtar