21 Mamyr, 13:11 191 0 Jańalyqtar Anar LEPESOVA

Tólebı aýdanynda 38 úı súrilip, qaıta salynady

Túrkistan oblysy Tólebı aýdanynda sý tasqynynan kelgen zardapty qalpyna keltirý jumysy qyzý júrip jatyr.

Jumysqa 8 merdiger kompanııa men 6 ınjınırıngtik qyzmet kórsetýshi mekeme jumyldyrylǵan. Aýdanda mamandardyń qorytyndysymen 38 úı jaramsyz dep tanylǵan bolatyn. Qazirgi tańda 17 úı buzylyp jatyr. Onyń ishinde 3 úıdiń irgetasyn quıý jumystary bastaldy.

Sel saldarynan 78 azamat evakýaııa ortalyǵyna jatqyzylsa, qazirgi tańda 40-tan astam azamat aǵaıyn-týystarynyń úıine jaıǵasqan.

Aýdan ákimi Baýyrjan Omarbekovtyń aıtýynsha, evakýaııa ortalyǵynda ornalasqan azamattar úsh mezgil tamaqpen qamtylǵan. Olarǵa barlyq qajetti jaǵdaı jasalǵan.

«Zardap shekken 38 baspana tolyqtaı súrilip, ornyna jańa baspana salynady. Olardy qalpyna keltirý jumystaryna 510 mln teńge baǵyttalmaq. Jalpy qurylys jumystaryn 1.5-2 aı ishinde aıaqtaýdy josparlap otyrmyz»,- dedi Baýyrjan Omarbekov.

 

Sońǵy jańalyqtar