21 Mamyr, 11:46 269 0 Zań Anar LEPESOVA

Saılaý jáne saıası partııalar týraly zańdarǵa ózgertý engizildi

Parlament Senatynyń jalpy otyrysynda «Qazaqstan Respýblıkasyndaǵy saılaý týraly» Konstıtýııalyq zańyna tolyqtyrýlar engizý týraly» Konstıtýııalyq zańy men «Saıası partııalar týraly» zańyna ózgeris pen tolyqtyrýlar engizý týraly» Zańy qabyldandy.

Usynylyp otyrǵan zań jobalar Prezıdenttiń Ulttyq qoǵamdyq senim keńesiniń ekinshi otyrysynda bergen tapsyrmalaryn iske asyrý maqsatynda ázirlendi, dep habarlaıdy QazAqparat.

«Zań jobalarmen partııalyq saılaý tizimderinde áıelder men jastar úshin keminde otyz paıyz mólsherindegi kvotany engizý jáne saıası partııalardy qurý úshin qoldanystaǵy sandyq tirkeý talabyn eki ese tómendetý usynylady. Osy maqsatta, birinshiden, Saılaý týraly konstıtýııalyq zańda saıası partııalar tirkeýge usynǵan partııalyq tizimderde áıelder men jastarǵa arnalǵan mindetti kvotalardyń bolýy týraly talap qoıylady.Jalpy, búginde álemdegi memleketterdiń basym bóligi áıelder men jastardyń saılaý proesine teń qoljetimdiligine kepildik berý úshin qajetti sharalar qabyldaýda. Sonymen qatar, Memleket basshysy atap ótkendeı, biz jastardyń Parlamentke jáne jergilikti ókiletti organdaryna kelýine yqpal etýge tıispiz. Sondyqtan da, bizdiń qoǵam úshin áıelder men jastar jaqsy áleýmettik jáne saıası áleýetke ıe», - dedi Ádilet mınıstriniń mindetin atqarýshy Natalıa Pan.

Osyǵan oraı, halyqaralyq tájirıbe aıasynda usynylyp otyrǵan jańa normalar áıelder men jastardy eldiń qoǵamdyq-saıası proesterine belsendi tartýǵa múmkindik beretin bolady.

«Ekinshiden, endi saıası partııany tirkeý úshin onyń quramynda qyryq myń emes, jıyrma myń múshesi bolsa jetkilikti. Osy baǵyttaǵy túzetýler Saıası partııalar týraly zańda kózdelip otyr. Bul usynys saıası partııalardy qurý tártibin jeńildetedi, sondaı-aq memlekettik sheshimderdi ázirleý jáne qabyldaý proesterine oń áserin tıgizedi», - dedi N. Pan.

Usynylyp otyrǵan zań jobalar ár túrli alańdarda maqsatty toptarmen qaraldy. Atap aıtqanda, zań jobalary Ulttyq qoǵamdyq senim keńesiniń múshelerimen, saıası partııalardyń ókilderimen jáne jastarmen keńinen talqylandy.

«Jalpy, osy zańnamalyq bastamalar áıelder men jastardy qoǵamnyń saıası ómirine belsene qatysýǵa, sondaı-aq kóppartııalyq júıeni odan ári qalyptastyrýǵa oń yqpalyn tıgizetin bolady», - dedi ol.

 

Sońǵy jańalyqtar