21 Mamyr, 11:22 440 0 Jahan Anar LEPESOVA

Izraıl ónertapqyshtary as ishkende bóget bolmaıtyn maska oılap tapty (vıdeo)

Izraıldik  ónertapqyshtar as ishkende bóget bolmaıtyn medıınalyq maska oılap tapty, dep habarlaıdy Republic World basylymy. 

Avtipus patents and inventions kompanııasynyń mamandary kádimgi medıınalyq maskanyń dızaınyn ózgertip, oǵan avtomatty túrde nemese mehanıkalyq túrde ashylatyn, adamǵa tamaq jeýge múmkindik beretin mehanızm engizipti. Betperdeni jasaýshylarlyń aıtýynsha, bul ónertabys qoǵamdyq tamaqtaný oryndaryn qaıta jandandyrýǵa múmkindik beredi. Eger maskalar jappaı satyla bastasa, adamdar qaýipsiz túrde meıramhanalarǵa, kafelerge jáne basqa mekemelerge kire alady.

Kompanııa óz ónimin tirkeýge patent alý úshin suranys jibergen. Eger patent berilse, birneshe aıdan soń maskalar jappaı óndirile bastamaq. 

Ónertapqyshtar as ishýge kedergi keltirmeıtin betperdeniń baǵasy kádimgi maskadan qymbat bolmaıtynyna sendirip otyr. 

;feature=emb_logo

Aıta keteıik, búǵan deıin ózbekstandyq stýdentter koronavırýsty anyqtaıtyn "aqyldy" maska oılap tapqanyn habarlaǵanbyz. Mundaı maska adamnyń dene qyzýyn ólsheı alady. Sonymen birge temperatýra, jótel men tynystyń tarylýyna baılanysty málimetterdi datchık arqyly avtomatty túrde smartfonǵa jiberip otyrady.

Sońǵy jańalyqtar