5 Sáýir, 19:10 2300 0 Jahan Anar LEPESOVA

Koronavırýstan 5 jasar búldirshin kóz jumdy

Ulybrıtanııada sońǵy táýlikte  koronavırýstan 708 adam kóz jumdy, olardyń arasynda 5 jasar bala da bar.

Eldiń densaýlyq saqtaý mınıstrliginiń málimetinshe, Ulybrıtanııada vırýstan qaıtys bolǵandardyń jalpy sany 4 320-ǵa jetken. Al indetti  juqtyrǵandar sany 42 myń adamnan asqan.

Býkıngem saraıy koronavırýstyq pandemııaǵa baılanysty Elızaveta II-niń halyqqa arnaıy televızııalyq úndeý jazǵanyn habarlady. Bul onyń 68 jyldyq el basqarýyndaǵy besinshi úndeýi bolmaq, eldegi jaǵdaıdyń kúrdeliligin osydan-aq ańǵarýǵa bolady.

Memlekettiń densaýlyq saqtaý mınıstri Mettıý Henkok azamattardy karantındi saqtap, úıde otyrýǵa shaqyrdy.

"Adamdardyń basym kópshiligi keńesterdi basshylyqqa alyp, úıden shyqpaı otyr. Degenmen karantın tártibin buzatyndar áli de bar. Olar qandaı da bir qajettiliksiz kóshege jıi shyǵady. Men bul eskertýler jaıynda jıi aıta da bergim kelmeıdi, sebebi tutas el bul daǵdarystan tezirek shyqqysy keledi", - dedi mınıstr.

Aıta keteıik, buǵan deıin Ispanııada da indet juqtyrǵandar arasynda ólim kórsetkishi artqanyn habarlaǵanbyz. Elde koronavırýstan 11 025 qaıtys boldy. Bul kórsetkish jóninen Ispanııa Eýropa boıynsha úshinshi orynǵa shyqty.

 

 

Sońǵy jańalyqtar