5 Sáýir, 10:35 925 0 Aımaq Araılym Bımendıeva

«Merki-Býrylbaıtal» tasjoly ashylady

Jambyl oblysyna qarasty Tátti, Shý jáne Birlik eldi mekenderin aınalyp ótýge múmkindik beretin, uzyndyǵy 262 shaqyrymdyq «Merki-Býrylbaıtal» avtomobıl jolyn qaıta jańartý jumystary jalǵasyp jatyr.

Tasjoldy qaıta jańartý jobasyna sáıkes Merkiden Shýǵa deıingi 86 shaqyrymdyq jol ýchaskesi 4 jolaǵy bar I tehnıkalyq sanatqa jatqyzylady. Al uzyndyǵy 176 shaqyrymdy quraıtyn Shý qalasynyń burma jolynan Býrylbaıtalǵa deıingi jol ýchaskesi 2 jolaǵy bar II tehnıkalyq sanatqa kiredi.

Joba boıynsha eldi mekender janynda 6 kópir, 3 temirjol ótpesi, jaryqtandyrylǵan 11 jol aıryǵy, 276 qubyr, demalys alańdary, sondaı-aq avtopavılondar salynady.

Tasjoldy qaıta jańartý jumystaryna 607 tehnıka men 1 500 jumysshy jumyldyrylǵan. Atalmysh joldaǵy qozǵalys 2020 jyldyń sońyna deıin ashylady dep josparlanyp otyr.

Sońǵy jańalyqtar