30 Naýryz, 14:54 592 0 Jańalyqtar Asyl TUMAR

Tótenshe jaǵdaı: jumystaǵy medıına qyzmetkerlerine syıaqy berildi

Sýret ǵalamtordan alyndy
Sýret ǵalamtordan alyndy

Qaraǵandy oblysynda COVID-19 taralýymen kúres júrgizý jalǵasýda. Bul týraly Epıdemıologııalyq jaǵdaı týraly selektorlyq rejımde ótken apparattyq jınalysta málimdeldi.

30 naýryzdan bastap óńirdiń bes qalasynda jeke shekteý sharalary qarastyrylǵan karantın engizildi. Bul turǵyndarǵa ýaqytsha qatań shekteýlerdi saqtaýǵa týra keletinin bildiredi.

«Búgingi kúnnen bastap Qaraǵandy, Temirtaý, Abaı, Saran jáne Shahtınsk qalalarynyń aýmaǵynda osy eldi mekender halqynyń ómiri men qyzmeti úshin erekshe jaǵdaılar qarastyrylǵan karantın rejımi engiziledi. Iaǵnı joǵaryda atalǵan qalalar biryńǵaı karantındik aımaq bolyp tabylady. Bul qalalardyń turǵyndary kámeletke tolmaǵan balalardyń óz betinshe júrip-turýyna tyıym salý sııaqty shekteý sharalaryn saqtaýy qajet, 65 jastan asqan adamdarǵa dalaǵa shyqpaý, al jumys berýshilerge jumys kúnin 2 saǵatqa qysqartý usynylady», – dedi Qaraǵandy oblysynyń ákimi Jeńis Qasymbek.

Bul sharalardyń barlyǵy óńirde vırýstyń taralýyna jol bermeý úshin qajet. Búgingi kúni oblysta jeti adam koronavırýs juqtyrǵan. Dárigerler olardyń jaǵdaıyn qanaǵattanarlyq dep baǵalaıdy. Oblysta barlyǵy 592 adam táýlik boıy dárigerlerdiń baqylaýynda, taǵy 514 adam úılerinde oqshaýlanǵan. Jaqyn arada oblysta 300 myń baılanyssyz termometr satyp alynady. «Kómek-2020» qoǵamdyq qorynyń qarajaty esebinen 20 myń respırator satyp alynady.

Jaqyn arada oblys emhanalarynda koronavırýsty anyqtaý úshin ekspress-testileý bastalady.

Densaýlyq saqtaý basqarmasynyń basshysy Erjan Nurlybaevtyń aıtýynsha, oblysqa 100 myń test kelip túsedi. Testileý qatań túrde klınıkalyq belgiler bolǵan jaǵdaıda tegin júrgiziledi, – dedi Erjan Nurlybaev.

Sondaı-aq, óńirde aspaly búrikkishter satyp alyndy. Qazirgi tańda 56-y tústi, taǵy 170-i oblysymyzǵa Reseıden jetkiziledi. Dárigerler úshin qorǵanysh kostıýmderin, maskalar men medıınalyq qolǵaptardy jetkizý jalǵasýda. Respýblıkalyq bıýdjetten koronavırýsqa qarsy kúreske qatysatyn medıına qyzmetkerlerine syıaqy alýǵa qarajat bólindi. Qaraǵandy oblysynda 1677 dáriger men medbıkeler jalaqy kóleminde syıaqy aldy. Tólemder jalǵasýda.

Sońǵy jańalyqtar