29 Naýryz, 17:07 1277 0 Densaýlyq Anar LEPESOVA

Ǵalymdar koronavırýstyń belsendiligi artatyn temperatýrany atady

Koronavırýs shamamen tórt gradýstyq temperatýra kezinde uzaqqa deıin belsendiligin saqtaıdy. Eger zararsyzdandyrý jumystary júrgizilmese, eki aptadan keıin ǵana vırýstyń kúshi joıyla bastaıdy. Bul týraly Gonkong ýnıversıtetiniń MedRxiv portalynda jarııalanǵan zertteýinde aıtylǵan.

Ǵalymdardyń aıtýynsha, jańa vırýs joǵary temperatýraǵa tózimsiz. Máselen, 70 gradýs kezinde onyń belsendiligi bes mınýttan aspaıdy.  

Sondaı-aq, mamandar vırýstyń ár túrli zattarda saqtalý uzaqtyǵyn zerttep kórdi. Koronavırýs qaǵazda úsh saǵattan artyq ómir súrse, kıim men aǵash buıymdarda eki kún, al áınekte tórt kún, plastıkte jeti kúnge deıin saqtalatyny anyqtaldy.

SARS-CoV-2 vırýsy medıınalyq maskalarda jeti kúnge deıin belsendiligin joımaıtyny belgili bolyp otyr. Sondyqtan mamandar qorǵanys quraldaryn únemi zararsyzdandyrý qajettigin eskertedi.

Aıta keteıik, sońǵy derek boıynsha elimizde koronavırýs juqtyrǵandar sany 265 adamǵa jetti.

Al álemde indetke shaldyqqandar sany 670 myńnan asyp jyǵyldy. Kesel 31 myńǵa jýyq adamnyń ómirin qıdy.

Sońǵy jańalyqtar