26 Naýryz, 12:30 504 0 Densaýlyq Anar LEPESOVA

Qazaqstandyqtar koronavırýsty anyqtaıtyn testileýden aqyly túrde óte alady

Qazaqstandyqtar koronavırýsty anyqtaý testin aqyly tapsyra alady. Bul týraly QR DSM Taýarlar men qyzmetterdiń sapasyn jáne qaýipsizdigin baqylaý komıtetiniń tóraǵasy Lıýdmıla Bıýrabekova mınıstrliktiń Facebook-tegi paraqshasynda málimdedi. 

«Jalpy, bizde elimizge mundaı ekspress-testterdi jetkizetin birneshe demeýshi bar. Qazirgi ýaqytta birneshe kompanııaǵa bir ret ákelýge ruqsat berip te qoıdyq. Birinshi toptamasy osy aptada jetkiziledi. Ekspress-testileý «Olımp» zerthanasynyń bazasynda júrgiziledi. Bul jedel-testter ımmýnofermentti saraptama ádisine negizdelgen. Paıenttiń qanynda antıdeneni anyqtaıtyn bolady. Iaǵnı, aýyryp júrgenderdi nemese jeńil túrimen aýyryp, jazylǵandardy anyqtaıdy», - dedi komıtet tóraǵasy. 

Onyń atap ótýinshe, QR DSM koronavırýsty anyqtaý úshin testileýden áleýmettik álsiz topqa kiretin paıentterdi ótkizedi. Olarǵa eń aldymen dárigerlerdiń esebinde turǵan tynys alý organdarynda sozylmaly aýrýlary bar adamdar, vırýs juqtyrý táýekeli tobyna kiretin adamdar, qarttar jáne 18 jasqa deıingi balalar kiredi. Degenmen, bul sanattaǵy adamdardyń naqty qaısysy testten ótetindigi qazirgi ýaqytta naqtylanyp jatyr.

«Olımp» jekemenshik zerthanasy mundaı testileýdi aqyly túrde de ótkizetini belgili boldy. «Al biz testti polımerazdy tizbekti reakııa-dıagnostıkasy ádisimen naqty aýrý juqtyrýy múmkin naýqastarǵa tegin júrgizemiz», - dedi L.Bıýrabekova.

 

Sońǵy jańalyqtar