26 Naýryz, 11:02 971 0 Ishki saıasat Anar LEPESOVA

Tótenshe jaǵdaı: 65 jastan asqan depýtattar Májilis otyrysyna qatyspaıdy

Búgingi Parlament Májilisiniń jalpy otyrysyna jasy 65-ten asqan depýtattar qatysqan joq. Bul týraly Palata spıkeri Nurlan Nyǵmatýlın málimdedi. 

«Búgingi jalpy otyrys birshama ózgergen formatta ótip jatyr. Bizdiń keıbir áriptesterimiz qatysyp otyrǵan joq, alaıda alańdaýdyń reti joq, olardyń barlyǵy aman-esen. Atap aıtqanda, keıbir áriptesterimizdiń jasy 65-ten asqan. Dúnıejúzilik densaýlyq saqtaý uıymynyń nusqaýyna sáıkes, olarǵa jalpy otyrysqa qatyspaý týraly keńes berdik», - dedi Májilis Tóraǵasy Nurlan Nyǵmatýlın.

Osy oraıda ol jınalǵan depýtattardyń sany jalpy otyrysty mundaı formatta ótkizýge múmkindik beretinin jetkizdi.

«Endi jalpy otyrystarǵa árbir zań jobasy boıynsha tek depýtattar men negizgi baıandamashylar qatysady. Bul óz kezeginde zalda otyrǵandardy Dúnıejúzilik densaýlyq saqtaý uıymynyń sanıtarlyq normalaryna saı ornalastyrýǵa múmkindik berdi», - dedi Nurlan Nyǵmatýlın.

 

Sońǵy jańalyqtar