25 Naýryz, 17:23 318 0 Jańalyqtar Asyl TUMAR

Prezıdent Ulttyq bıotehnologııa ortalyǵyna bardy

Sýret derekkózden alyndy
Sýret derekkózden alyndy

Qazaqstan Prezıdenti Qasym-Jomart Toqaev Ulttyq bıotehnologııa ortalyǵyndaǵy otandyq ǵalymdardyń zertteý jumysymen tanysty, – dep jazdy akorda.kz.

Ortalyq qyzmetkerleri Memleket basshysyna DNQ jasandy sıntez jolymen ázirlengen jáne juqpaly koronavırýs aýrýynyń jańa túrin jyldam anyqtaýǵa múmkindik beretin polımerazdy tizbekti reakııa (PR) negizindegi test júıesin tanystyrdy. Bul test júıesi sheteldik dıagnostıkalyq qural-jabdyqtarmen salystyrý kezinde óziniń joǵary sezimtaldyǵyn kórsetken.

Qazirgi ýaqytta Qazaqstannyń bıologııalyq qaýipsizdigin qamtamasyz etý qajettigin jáne COVID-19 vırýsynyń ártúrli klımattyq jaǵdaılarǵa beıimdelý qabiletin eskere otyryp, Ulttyq bıotehnologııa ortalyǵy men Bıologııalyq qaýipsizdik problemalary jónindegi ǵylymı-zertteý ınstıtýtynyń ǵalymdary koronavırýsqa qarsy vakına jasaý boıynsha birlesken jumystaryn bastap ketti.

Qasym-Jomart Toqaev bıolog ǵalymdardyń eńbegin joǵary baǵalap, Qazaqstan ǵylymynyń quzyretin arttyrý úshin otandyq ázirlemelerdiń mańyzdylyǵyn atap ótti.

– Shyn máninde, bul zerthana Qazaqstan úshin biregeı sanalady. Biz sizderdiń ǵylymı jumystaryńyzǵa zor úmit artamyz. Qajetti kómek beriledi. Vırýs pen onyń taralýy bıologııalyq laboratorııalardyń, medıınalyq jáne sanıtarlyq qyzmetterdiń jumystaryna memlekettiń erekshe kóńil bólýi tıis ekenin kórsetti, – dedi Memleket basshysy.

Sońǵy jańalyqtar