25 Naýryz, 10:44 3442 0 Jańalyqtar Asyl TUMAR

Bilim jáne ǵylym mınıstri ata-analarǵa hat jazdy

Sýret ǵalamtordan alyndy
Sýret ǵalamtordan alyndy

QR Bilim jáne ǵylym mınıstri Ashat Aımaǵambetovtiń ata-analarǵa jazǵan haty jarııa boldy.

QazAqparattyń málimetinshe, mınıstr hatynda: «Qurmetti ata-analar! Balalarymyzdyń kóktemgi kanıkýly 16 naýryzda bastaldy. Qazirgi kezde ata-analardyń basym bóligi úıde jáne balalarǵa 21 kúnge sozylatyn demalysty qyzyqty ári paıdaly ótkizýge kómektese alady. Meniń ulym – tórtinshi synyp oqýshysy. Ózi kitap oqyǵandy jaqsy kóredi. Mysaly, oqý jyly bastalǵaly «Robınzon Krýzo», «Tom Soıerdiń bastan keshken oqıǵalary», «Meniń atym Qoja», «Kóshpendiler» trılogııasy kitaptaryn birge oqyp shyqtyq. Súıikti kitabymyz – «Kapıtan Granttyń balalary». Sondaı-aq ejelgi grek jáne mysyr mıfteri men ańyzdaryn qyzyǵa oqyp shyqtyq. Ata-analardyń balalardy kitap oqýǵa baýlyǵany óte mańyzdy. Eger bala Sizdiń kitap oqyp otyrǵanyńyzdy jıi baıqaıtyn bolsa, ózi de qolyna kitap alatyn bolady», – delingen.

Mınıstr bala kezinde ǵylymı fantastıka janrynda jazylǵan týyndylardy unatqanyn, Aızek Azımov, Reı Bredberı, aǵaıyndy Strýgakııler, Klıfford Saımak jáne Robert Haınlaınnyń eńbekteri qııalyn oıatqanyn atap ótedi.

«Osy avtorlardyń týyndylaryn oqyp, kúni boıy hıkaıalardyń mazmunyn oılap júrýshi edim. Osylaısha, eseıe kele, ǵylymı ádebıetterge degen qyzyǵýshylyǵym artty. Sondyqtan, balalardy osy janrǵa baýlý óte mańyzdy dep oılaımyn. Bala kúnde oqyǵan súıikti týyndylaryńyzdy balalaryńyzǵa usynyp kórińizder. Eń bastysy, bala úıde kitapty neǵurlym kóp oqıtyn bolsa, mektep baǵdarlamasyn soǵurlym jeńil meńgeretinin umytpańyzdar», – dedi Ashat Aımaǵambetov.

Mınıstr óz hatynda kitap oqýdan bólek, otbasymen tanymdyq vıdeolar qaraýǵa bolatynyn aıtady.

«Mysaly, vıdeosabaqtardy, trenıngter men ǵylymı tájirıbelerdi, TED-konferenııalaryn jáne basqalardy bizdiń mınıstrliktiń saıtynan bilim berý resýrstarynyń tizimin taba alasyzdar. Aıtpaqshy, qazirgi kezeńde bilim berýge baǵyttalǵan saıttardy paıdalaný barysynda trafık eseptelmeıdi, ıaǵnı tegin bolady. Ol úshin biz ınternet provaıderlerimen kelisim ornattyq. Bul qosymsha bilim berý ortalyqtary, kýrstar men sekııalar jumysyn toqtatqan kezeńde óte yńǵaıly bolmaq. Sondaı-aq, bul – balalardy onlaın-formatta bilim alýǵa ıkemdeýge jaqsy múmkindik, bolashaqta paıdasy tıetini de sózsiz», – dedi ol.

Bilim mınıstri ata-analardyń basym bóligi kanıkýl aıaqtalǵan soń oqý proesi qalaı uıymdastyrylatynyn ýaıymdap júrgenin biletinin atap ótedi.

«Qazirgi ýaqytta oqýdy qashyqtan júrgizýge kómektesetin aqparattyq júıelerdi daıyndap, testileýdemiz. Keıbir sabaqtardy telearnalar arqyly ótkizýge bolady. Bul format bizdiń oqýshylar men ustazdar úshin úırenshikti emes, sondyqtan pedagogterdiń jumysyna túsinistikpen jáne qurmetpen qaraýlaryńyzdy suraımyn. Olar oqýshylaryn saǵyndy jáne mektepke keler sátin asyǵa kútýde. Bul – mınıstrdiń emes, jaǵdaıǵa baılanysty balalarymyzda kenetten paıda bolǵan bos ýaqytty tıimdi ótkizýdi jáne osy kezeń bizdi balalarymyzben jaqyndastyra túsýdi qalaıtyn ákeniń usynystary ǵana. Balapandarymyzdyń baqytty bolýy biz ben Sizge tikeleı baılanysty. Ózińiz ben jaqyndaryńyz aman bolǵaı!», – dedi Ashat Aımaǵambetov.

Sońǵy jańalyqtar