25 Naýryz, 11:35 751 0 Jańalyqtar Asyl TUMAR

Tótenshe jaǵdaı rejımin buzǵan toıhana ıesi qamaýǵa alyndy

Sýret ǵalamtordan alyndy
Sýret ǵalamtordan alyndy

Qyzylorda oblysynyń prokýratýrasy óńirde tótenshe jaǵdaı rejımin buzǵan toıhana ıesi ákimshilik qamaýǵa alynǵanyn habarlady.

Bul oqıǵa Qazaly aýdanynda oryn alǵan. Aýdandyq sottyń qaýlysymen tótenshe jaǵdaı rejımin buzǵan kásipker 7 táýlik merzimge ákimshilik qamaýǵa alynǵan. Al osyndaı talapqa salǵyrt qaraǵan taǵy bir kásipkerge 10 aılyq eseptik kórsetkish mólsherinde aıyppul salyndy.

«Qazaqstan Respýblıkasy Prezıdentiniń Jarlyǵyna sáıkes, tótenshe jaǵdaı rejımi kezinde birinshi kezekte qoǵamdyq tártipti saqtaý qatań baqylaýǵa alyndy. Strategııalyq mańyzy bar obektilerde qaýipsizdik sharalary kúsheıtildi. Adamdar kóp jınalatyn oryndardyń qyzmetine saǵat 22.00-den keıin shekteý qoıyldy. Oıyn-saýyq, sporttyq jáne basqa da buqaralyq is-sharalardy ótkizýge tyıym salyndy. Soǵan qaramastan oblys boıynsha tótenshe jaǵdaı kezinde rejımdi buzyp, saǵat 22.00-den keıin jumys jasaǵany úshin 20 kafe-toıhana jáne úıinde toı ótkizgeni úshin 2 úı ıesine qatysty Ákimshilik quqyq buzý týraly kodeksiniń 476-babymen hattama toltyryldy», – delingen habarlamada.

Sońǵy jańalyqtar