24 Naýryz 2020, 20:37 458 0 Jańalyqtar Asyl TUMAR

«Nur Otan»: Igilikti ister partııasy

Nurotandyqtar «Kedergisiz keleshek», «Baqytty otbasy» jáne «Ardagerlerdi ardaqtaıyq» partııalyq jobalary aıasynda turǵyndarǵa kómek kórsetýdi jalǵastyrýda.


­
Eń aldymen qajet azyq-túlik pen gıgıenalyq taýarlar ǵana emes, aýylsharýashylyq ónimderi de jetkizilip berilýde.

Qaraǵandy oblysy boıynsha fermerler Odaǵynyń tóraǵasy Igor Jabıak 2000 keli kartop, «Volynka» sharýa qojalyǵynyń basshysy Danııar Sákenov azyq-túlik jıyntyqtaryn, al kásipker Aıdyn Albaqaı 5000 keli sıyr etin bóldi.

Sıyr eti kópbalaly otbasylarǵa, erekshe qajettilikteri bar azamattarǵa jáne jalǵyz basty qart adamdarǵa taratyldy. Osylaısha myń otbasy qamtyldy.
­
«Men ózim kópbalaly ana bolǵandyqtan, kómek pen qoldaýdyń qanshalyqty mańyzdy ekenin túsinemin. Eń bastysy, osyndaı ýaqytta týǵan-týysqandardy ǵana emes, bir-birimizdi de saqtaýymyz kerek», – dep atap ótti Merýesh esimdi kópbalaly ana.

Sońǵy jańalyqtar