23 Naýryz, 21:04 6766 0 Ishki saıasat Anar LEPESOVA

Tótenshe jaǵdaı: Saýda ortalyqtary men bazarlardyń jumys isteýine ruqsat berildi

Elimizde aýmaǵy 2 myń sharshy metrden kem emes iri saýda oıyn-saýyq ortalyqtary saǵat 10:00-den 18:00-ge deıin jumys isteýge ruqsat beriledi.

Alaıda sanıtarlyq, zalalsyzdandyrý sharalaryn kúsheıtý kerek. Bul ózgeristiń karantınge jabylǵan astana men Almaty qalalaryna qatysy joq.

Saýda jáne ıntegraııa mınıstrligi men densaýlyq saqtaý mınıstrligi tótenshe jaǵdaı kezinde dámhana, dúken men saýda ortalyqtarynyń jumysyna qatysty buıryqqa ózgeris engizdi.

Qujatta aýmaǵy 2 myń sharshy metrden kem emes iri saýda nysandarynyń saǵat 10:00-den 18:00-ge deıin jumys isteıtini jazylǵan. Olardyń ishindegi azyq-túlik dúkenderi men dárihanalar jumysyn ádettegi rejım boıynsha jalǵastyrady. Aýlalardaǵy dúkender de jumysyn toqtatpaıdy. 

Azyq-túlik emes bazarlar saǵat 11:00-den 17:00-ge deıin jumys isteıdi. Sanıtarlyq sharalar kúsheıtiledi. 

Qoǵamdyq tamaqtaný nysandary júmys isteıdi, biraq birqatar shekteý engizilgen:

  • saýda ortalyǵy aýmaǵyndaǵy dámhanalarda tamaqtanýǵa bolmaıdy, tek daıyn taǵamdy úıge jetkizý qarastyrylǵan; 
  • saýda ortalyqtarynyń aýmaǵynda emes dámhanalar tek 22:00-ge deıin jumys isteıdi. Kelýshiler sany bir ýaqytta 50 adamnan aspaýy tıis. 

"Saýda ortalyqtary men bazarlardy ashý sheshimi qabyldandy. Bul saýda jáne qyzmet kórsetý salasyndaǵy kóptegen azamattardy jumyspen qamtý jáne tabysyn joǵaltpaýmen baılanysty. Biraq barsha kásipkerler bas sanıtar dárigerdiń talaptaryn saqtaýy kerek ekenin eskertemiz", - dep jazylǵan habarlamada. 

Ózgeris karantın jarııalanǵan astana men Almaty qalalarynan basqa aýmaqta qoldanylady. Alaıda ákim men bas sanıtar dárigerdiń sheshimimen qosymsha shekteý engizilýi múmkin.

 

Sońǵy jańalyqtar