23 Naýryz, 20:13 1302 0 Qaýipsizdik Anar LEPESOVA

Qazaqstanda tótenshe jaǵdaı rejımi uzartyla ma?

Aqparat jáne áleýmettik damý mınıstri Dáýren Abaev Qazaqstan aýmaǵyndaǵy koronavırýstyń taraýyna qatysty azamattardy mazalap júrgen saýaldarǵa jaýap berdi. 

El turǵyndarynyń basym kópshiligin memlekettegi tótenshe jaǵdaı rejıminiń uzartylý múmkindigine qatysty suraq qyzyqtyrǵan.

Dáýren Abaev búgingi jaǵdaıǵa alańdaýshylyq tanytyp jatqan otandastarynyń saýalyna naqty jaýap berý múmkin emes ekenin alǵa tartty. Alaıda, mınıstr aldaǵy ýaqytqa oń boljam berdi. Ol shamamen bir aıdan soń, elimizdegi naýqastardyń sany azaıa bastaý kerektigin aıtty.

"Qazirgi ýaqytta bul suraqqa naqty jaýap bere almaıtynymyzdy moıyndaýymyz kerek. Dárigerlerdiń aıtqanyna buljytpaı oryndaıtyn bolsaq, bul jaǵdaı tez arada aıaqtalatyn bolady. Biz juqtyrǵandardyń tirkelýi áli de jalǵasatynyn kútýdemiz. Biraq, odan keıin jańadan juqtyrǵandardyń sany tómendeı túspek. Bir aıdyń ishinde dep úmittenemiz" , - dedi Abaev.

Sońǵy jańalyqtar