23 Naýryz 2020, 18:49 895 0 Ekonomıka Anar LEPESOVA

Qazaqstandyqtardyń ıpoteka tólemderi 3 aıǵa shegeriledi

«Báıterek» UBH» AQ turǵyn úı blogynyń enshiles uıymdary ıpoteka tólemderin 3 aıǵa shegeredi. Bul týraly akıonerlik qoǵamnyń baspasóz qyzmeti habarlady. 

«23 naýryzda Tótenshe jaǵdaı jónindegi memlekettik komıssııanyń otyrysynda aıtylǵan Memleket basshysynyń tapsyrmalaryna sáıkes, ýaqytsha qarjylyq qıyndyqtarǵa tap bolǵan jeke jáne zańdy tulǵalar úshin Holdıngtiń turǵyn úı blogynyń enshiles uıymdary ((Turǵyn úı qurylys jınaq banki, Qazaqstan ıpotekalyq kompanııasy, Báıterek development) barlyq tólemder boıynsha, negizgi qaryz ben syıaqy somasyn qosa alǵanda, turǵyn úı jáne turǵyn emes jyljymaıtyn múlik obektilerin satyp alý quqyǵymen jaldaý/satyp alý-satý (onyń ishinde bólip tóleý) barlyq mámileleri boıynsha, aıyppuldar men ósimaqy eseptemeı, aldaǵy 3 aıǵa (sáýir-maýsym) tólemderdi keıinge qaldyrý týraly sheshim qabyldady» delingen «Báıterek» Ulttyq basqarýshy holdıngi» AQ baspasóz qyzmeti taratqan habarlamada.

Tólemderdi keıinge qaldyrý úshin memlekettik operatorlarǵa qashyqtyqtan baılanys arnalary (jeke kabınet, telegram-bottar, resmı saıttar) arqyly ótinish berýi kerek. Ótinish jeke tártippen qaralatyn bolady.

 

Sońǵy jańalyqtar