23 Naýryz, 17:54 2932 0 Bilim Anar LEPESOVA

6 sáýirden bastap qazaqstandyq oqýshylar qashyqtan bilim alady

2020 jyldyń 6 sáýirinen bastap qazaqstandyq mektepter qashyqtan oqytýǵa kóshedi. Bul týraly QR Aqparat jáne qoǵamdyq damý mınıstri Dáýren Abaev málimdedi. 

"Bilim jáne ǵylym mınıstrligi uıymdastyrý jaǵyn qarastyryp jatyr. Bul týraly barlyq aqparatty jaqyn ýaqytta habarlaımyz. Sondyqtan túsinistik tanytyp, resmı málimdemeni kútýdi suraımyz. Qazir mektepter men muǵalimderdi suraqtyń astyna alyp, aıyptaýdyń reti joq. Bul másele úkimettiń quziretinde. Biz barlyǵyn aldyna ala habarlaımyz. "Elarna" men "Balapan" telearnalarynan oqýshylarǵa arnalǵan vıdeo sabaqtar kórsetiledi. Alaıda, bul negizgi emes, qosymsha shara. Atalǵan vıdeo sabaqtardy Bilim jáne ǵylym mınıstrligi daıyndaǵan. Olar "Balapan" telearnasynda qazaq tilinde, "Elarnada" orys tilinde kórsetiledi", - dedi mınıstr.

Aıta keteıik, sońǵy málimetter boıynsha elimizde 62 naýqas tirkeldi. Nur-Sultan qalasy boıynsha 32 adam, Almaty qalasynda – 26, Qaraǵandy qalasynda - 2, Almaty oblysynda - 1 adam, Aqtóbe oblysynda - 1 adam, jalpy 62 naýqas bar.

Sońǵy jańalyqtar