23 Naýryz, 16:52 328 0 Densaýlyq Anar LEPESOVA

Qazaqstanǵa koronavırýsty anyqtaıtyn 250 myń test jetkiziledi

Elimizge koronavırýsty anyqtaýǵa arnalǵan 250 myń test jetkiziledi. Bul týraly búgin Ortalyq kommýnıkaııalar qyzmetindegi brıfıngte QR Aqparat jáne qoǵamdyq damý mınıstri Dáýren Abaev málimdedi. 

«Memleket basshysy aqparatty bir ortalyqtan taratýdy tapsyrdy. Bul jumysqa jaýapty bolyp bizdiń mınıstrlik bekitildi. Sondyqtan aldaǵy ýaqytta biz sizderge memlekettik komıssııa, Úkimet, ortalyq memlekettik organdar atqaryp jatqan sharalar týraly turaqty túrde habarlap otyramyz. Biraq, bul jýrnalısterdiń jergilikti atqarýshy organdarmen qalyptasqan jumysyna kedergi keltirmeıdi. Densaýlyq saqtaý basqarmalary qajetti bolǵan kezde sizdermen burynǵydaı baılanysty bolady», - dedi mınıstr.

Onyń dereginshe, búginde elimizde koronavırýs juqtyrýdyń 62 jaǵdaıy tirkelgen.

«Búginde elimizde 60 myń test bar. Taıaý kúnderi bizdiń qolymyzǵa taǵy da 150 myń test túsedi. Kelisimshart jasasý kezeńinde tur. Taǵy da 100 myń test demeýshilerdiń qarajaty esebinen satyp alynady. Halyq úshin test tegin júrgiziledi»,- dedi Dáýren Abaev.

 

Sońǵy jańalyqtar