23 Naýryz, 16:00 819 0 Naryq Anar LEPESOVA

Daǵdarysqa qarsy sharalarǵa 10 mlrd dollar bólinedi – Memleket basshysy

Sýret ınternetten alyndy
Sýret ınternetten alyndy

Memleket basshysy Qasym-Jomart Toqaev tótenshe jaǵdaı jónindegi memlekettik komıssııanyń otyrysynda daǵdarysqa qarsy sharalardy júzege asyrý úshin qansha qarjy bólinetinin aıtty. 

"Salyq preferenııalary men jergilikti deńgeıdegi qoldaýdy qospaǵanda, daǵdarysqa qarsy sharalar jıyntyǵy 4,4 trıllıon teńgeni nemese 10 mıllıard dollardy quraıdy. Osy qarajatty durys ıgergen soń, biz daǵdarysqa qarsy kúreste jeńiske jetetinimiz sózsiz", – dedi Toqaev.

Onyń aıtýynsha, daǵdarys memlekettik apparat pen otandyq bıznestiń qozǵaýshy kúshi bolady.

"Osydan alatyn sabaqtardy eskerýimiz kerek. Sonymen qatar, jedel sharalardan basqa, jaǵdaı turaqtanǵannan keıin de júıeli is-shalar qabyldaý kerek. Shyn máninde, biz múldem jańa jahandyq álemniń tabaldyryǵynda turmyz. Onda Qazaqstan óziniń laıyqty ornyn tabýy tıis", – dep atap ótti Q.Toqaev.

Prezıdent jaǵdaıdyń kúrdeliligine qaramastan, elimizdiń apatty jaǵdaıdan alys ekenin basa aıtty.

"Bizde barlyq múmkindikter men rezervter bar. Bastysy, biz qolaısyz senarııge daıyndyqty ýaqytynda qolǵa alyp, ne isteý kerektigin durys túsindik", – dedi Toqaev.

Prezıdent sondaı-aq eldegi tótenshe jaǵdaı kezinde oqshaýlaý sharalaryn qatańdatýdy tapsyrǵan edi.

Prezıdenttiń tótenshe jaǵdaı jónindegi memlekettik komıssııanyń otyrysynda sóılegen sóziniń tolyq mátinin myna silteme arqyly oqı alasyz.

 

Sońǵy jańalyqtar