23 Naýryz, 15:09 382 0 Saıasat Anar LEPESOVA

"Eski ádispen jumys isteıtinder qyzmetinen bosatylady": Prezıdent ákimder men mınıstrlerge eskertý jasady

Tótenshe jaǵdaı kezinde qyzmetine salǵyrt qaraǵan mınıstr men ákimder qyzmetterinen bosatylady. Bul týraly Aqordada tótenshe jaǵdaı jónindegi memlekettik komıssııanyń otyrysyn ótkizgen QR prezıdenti Qasym-Jomart Toqaev aıtty. 

"Búkil memlekettik apparat tez qalpyna keltirilip, burynǵy jaıbaraqat jumys sheńberinen shyǵýy tıis. Osyndaı qıyn jaǵdaıda basqarý túbegeıli ózgertilýi kerek. Jaýapkershilikti sezinip, batyl, tıimdi sheshimder qabyldaý qajet. Men óz tarapymnan memlekettik basqarý júıesine daǵdarystyń saldarymen kúresý úshin jedel sheshimder qabyldaý quqyǵyn beretin birqatar daǵdarysqa qarsy jarlyqtarǵa qol qoıdym", - deıdi Qasym-Jomart Toqaev.

Onyń aıtýynsha, osylaısha memlekettik organdar kez-kelgen týyndaǵan máselelerdi sheshýge barlyq múmkindikke ıe.

"Iaǵnı, bıýdjet proesinde, baǵany retteýde, memlekettik satyp alýlarda, jeńildikter berýde jáne t.b sharalardy qabyldaý kezinde batyl sheshim qabyldaýlaryna quqyqtary bar. Meniń úkimettiń ár múshesine, ákimderge aıtarym - basqasha tártipte jumys isteıtin ýaqyt keldi. Qazirgi qıyn sátti túsinbeıtinder jáne "eshteńe búldirip almaıyn" dep jeke bastarynyń qamdaryn oılap, eski ádispen áreket etýge tyrysatyndar qyzmetterinen bosatylady", - dedi Prezıdent.

 

Sońǵy jańalyqtar