23 Naýryz, 14:46 2057 0 Qaýipsizdik Anar LEPESOVA

Memleket basshysy: Qazaqstandyq ınternet-resýrstar tegin bolýy tıis

Qazaqstandyq barlyq ınternet-resýrstardyń qoljetimdiligi tegin bolýy qajet. Bul týraly Aqordada Tótenshe jaǵdaı jónindegi memlekettik komıssııanyń otyrysynda QR Prezıdenti Qasym-Jomart Toqaev aıtty. 

«Karantın engizilýine baılanysty biz halyqty úılerinde bolýǵa shaqyrdyq. Qashyqtan jumys isteý adamdardy mobıldi tehnologııalardy barynsha belsendi paıdalanýyna túrtki bolady. Osyǵan balanysty tótenshe jaǵdaı rejımi qoldanystaǵy kezeńde mobıldi baılanysty pen ınternet qoljetimdiligin ásirese, bilim berý resýrstaryna, áleýmettik jeliler men messendjerlerge keńeıtýdi tapsyramyn», - dedi Qazaqstan Prezıdenti.

Memleket basshysy tótenshe jaǵdaı rejımi kezinde qaryz paıda bolǵan kezdiń ózinde baılanys qyzmetterin usyný jalǵasa berýi kerektigin basa aıtty.

«Qazaqstandyq barlyq ınternet-resýrstardyń qoljetimdiligi tegin bolýy tıis. Buǵan deıin men karantın kezeńinde halyqqa kommýnaldyq qyzmetter tólemin tómendetý boıynsha tapsyrma bergen edim. Almaty jedel áreket etip, tıisinshe sheshim qabyldady. Endi Memlekettik komıssııa jalpyrespýblıkalyq júıeli sharalar ázirleýi qajet. Tolyqtaı alǵanda, Qazaqstan halqy bizden osynaý sharalardy kútip otyr. Búgin azamattarǵa meniń tapsyrmalarymdy tanystyrýǵa jáne olardy júzege asyrýǵa shuǵyl kirisýge tapcyramyn», - dedi Qasym-Jomart Toqaev.

 

Sońǵy jańalyqtar