23 Naýryz, 11:54 571 0 Densaýlyq Anar LEPESOVA

Qazaqstandyq qarttarǵa azyq-túlik qorjyny jetkiziledi

RG Brands kompanııasynyń ónimderi bar 5 myń qorjyn Qazaqstannyń 18 qalasyndaǵy jasy ulǵaıǵan adamdarǵa jetkiziledi. Bul týraly Almaty qalasy ákimdiginiń baspasóz qyzmeti habarlady. 

Kompanııa ónimderin qarttarǵa jetkizý jumystarymen aınalysatyn eriktiler toby qorjyndardy úıdi-úıge baılanyssyz ádispen jetkizbek.  

«Siz úıde qalyńyz. Biz sizderdi jaqsy kóremiz jáne aıalaımyz» deı otyryp, osy bastamany qolǵa alyp jatyrmyz. SOVID-19 pandemııasynan aǵa urpaqty saqtap qalý jaǵyna erekshe nazar aýdarý qajet dep sanaımyz. Karantın jáne shekteýli qozǵalys kezinde biz sizderdi qorǵap, sizderdiń densaýlyqtaryńyzǵa qamqorlyq jasaǵymyz keledi», — deıdi kompanııa ókilderi.

Ulystyń Uly kúni, qazaqtyń jańa jyly – áz-Naýryz meıramy kezinde adamdar bir-biriniń úıine qonaqqa barýy kerek. Biraq osy jylǵy merekeni tek otbasy aıasynda ǵana atap ótýge týra keldi. Tipti, kóptegen jandar eń jaqyn adamdaryna tek qońyraý soǵýmen ǵana shektelip otyr. Osyndaı jaǵdaıda atalmysh kompanııa qashyqtan bolsa da qarttarǵa jylý men qamqorlyq syılaýdy jón kóripti.

Kompanııa qyzmetkerleri qarttarǵa aldyn ala qońyraý shalyp, sút, shaı, sý jáne shyryn sııaqty ónimderdi baılanyssyz ádispen jetkizip beredi.

Kompanııa elimizdegi túrli qaýymdastyqtar men belsendi adamdardy qarttarǵa jaqsylyq jasaý estafetasyn qoldaýǵa shaqyrady.

Sońǵy jańalyqtar