23 Naýryz, 10:50 878 0 Jahan Anar LEPESOVA

Ilham Álıev bir jyldyq jalaqysyn koronavırýspen kúres jumystaryna bóldi

Ázirbaıjan basshysy Ilham Álıev óziniń bir jyldyq jalaqysyn koronavırýspen kúresti qoldaý qoryna aýdardy. 

 Bul týraly Sputnik Ázirbaıjan agenttigi habarlady. 

Ilham Álıevtiń tapsyrmasymen qurylǵan koronavırýspen kúresti qoldaý qoryna bastapqyda memleket basshysynyń rezervtik qorynan 20 mıllıon manat bólingen.

Odan bólek, eldiń barlyq jeke jáne zańdy tulǵalary qarjyny sonda aýdara alady.

RIA Novostı basylymynyń málimetinshe, Ázirbaıjanda koronavırýs ınfekııasyn 65 adam juqtyrǵan. Olardyń biri qaýipti indetten kóz jumdy.

Buǵan deıin Ázirbaıjan astanasy Baký koronavırýsqa baılanysty jabylǵany habarlanǵan bolatyn. 

Bılik rejım buzǵandardyń jaýapkershilikke tartylatynyn eskertti.

Ázirbaıjan mınıstrler kabıneti janyndaǵy operatıvti shtab Bakýge, Sýmgaıt qalasy men Apsheron aýdanyna kirýge shekteý qoıylǵanyn habarlady.

Bul sheshim COVID-19 koronavırýstyq ınfekııasynyń taralýyna jol bermeý maqsatynda qabyldanǵan. 

Sońǵy jańalyqtar