22 Naýryz, 15:28 1809 0 Densaýlyq Anar LEPESOVA

Túrkııada koronavırýstan 21 adam kóz jumdy

Túrkııada koronavırýs juqtyrǵandar cany 947-ge jetti. Elde indetten 21 adam kóz jumdy. Bul týraly osy eldiń densaýlyq saqtaý mınıstri Fahrettın Kodja málimdedi. 

Túrkııa bıligi pandemııamen kúreste qatań sharalarǵa kóshti. Aımaqta qoǵamdyq is-sharalardyń ótýine tyıym salyndy. Mamandar halyq kóp jınalatyn jerlerdi únemi zararsyzdandyryp otyrady. Juma namazy da ýaqytsha meshitte oqylmaıtyn boldy.

Sonymen qatar, Taıaýda taǵy 46 elmen áýe qatynasy shekteldi. Tizimde Qazaqstan da bar. Búgingi tańda Túrkııa 71 elmen áýe baılanysyn úzdi. 

Aıta keteıik,  Dúnıejúzilik densaýlyq saqtaý uıymynyń málimeti boıynsha sońǵy táýlikte álemde 32 myń adam koronavırýs juqtyrǵan.

Dúnıejúzinde naýqastardyń jalpy sany 266 myńǵa jetti. 11 myńnan astam adam osy dertten kóz jumdy. 

Al Qazaqstanda koronavırýs 57 adamnan anyqtaldy. Nur-Sultan qalasy boıynsha 31 adam, Almaty qalasynda – 23, Qaraǵandy qalasynda – 2, Almaty oblysynda 1 adam indet juqtyrǵan. 

Sońǵy jańalyqtar