13 Наурыз, 20:32 267 0 Мәдениет Арайлым Бимендиева

«Домбыра» фильмі екі Халықаралық кинофестивальге қатысады

Режиссер Рамазан Қалиолланың қысқаметражды «Домбыра» фильмі 12-15 наурыз аралығында Санкт-Петербург қаласында өтетін Sensus Халықаралық кинофестиваліне қатысады.

Режиссерлерді қолдау және кинематографияны насихаттау мақсатында ұйымдастырылған фестивальге әлемнің түкпір-түкпірінен көркем және қысқа метражды көркем фильмдер, деректі және анимациялық туындылар мен музыкалық бейнебаяндар көрсетіледі.

Сонымен қатар, «Домбыра» фильмі 2020 жылдың 14-28 наурыз аралығында өтетін 19-шы Халықаралық Kids First кинофестивалінің конкурстық бағдарламасына қатысады.

Аталған кинофестивальде әлемнің ірі студиялары, жекеменшік компаниялар мен жас киногерлер түсірген балаларға арналған фильмдері таныстырылады. Kids Firs байқауына қатысатын туындылар 50-ден астам алаңдарда көрсетіледі.

«Домбыра» фильмін Мәдениет және спорт министрлігінің тапсырысы бойынша Ш.Айманов атындағы «Қазақфильм» АҚ-ның «Дебют» шығармашылық-өндірістік бірлестігі  түсірген. Картинада домбыраның құлағында ойнап, үлкен сахнада өнер көрсетуді армандаған Әсет есімді баланың өмірін көрсетіледі.

Аталған кинотуынды былтыр Алматыда өткен IV Халықаралық Baiqonyr ISFF кинофестивалінің конкурстан тыс бағдарламасында көрсетіліп, «Бродвейдің таңдауы» сыйлығын алған. Сондай-ақ бұл фильм Нью-Дели қаласында өткен 8-ші Халықаралық  қысқаметражды фильмдер кинофестивалінде (Delhi Shorts International Film Festival) «Үздік фильм» жүлдесін жеңіп алған.

Соңғы жаңалықтар