"Қазақ аруы" байқауының жеңімпазы анықталды

"Қазақ аруы" байқауының жеңімпазы анықталды

Анар ЛЕПЕСОВА

12 наурыз, 2020

Кеше Алматыда "Қазақ аруы" байқауы өз мәресіне жетті. Жыл  сайын танымал продюсер Баян Алагөзованың ұйыдастыруымен өтетін сайыстың биылғы жеңімпазы – 20 жастағы Алматы облысының тумасы Нарқыз Айдарова. Оңтүстік астанада өткен сұлулық байқауында 19 ару бақ сынады. Байқаудың бас жүлдесі Алматы облысының намысына қорғаған 20 жастағы Нарқыз Айдароваға бұйырды.Оған тәжді байқаудың өткен жылғы жеңімпазы павлодарлық Сәния Темірханова табыс етті. Сұлулық байқауының қорытындысы бойынша бірінші орынды 19 жастағы алматылық Аяжан Тойбазар алған. Екінші орын иегері –  қарағандылық ару Аяжан Мубарак. Үшінші орын Зере Молдабековаға бұйырды. 18 жастағы бойжеткен Алматы қаласының атынан сынға түскен.