Елбасы Бакуде Ильхам Әлиевпен кездесті

Елбасы Бакуде Ильхам Әлиевпен кездесті

Елбасы Бакуде Ильхам Әлиевпен кездесті
ашық дереккөзі
Қазақстанның Тұңғыш президенті Нұрсұлтан Назарбаев Бакуде Әзербайжан президенті Ильхам Әлиевпен кездесті, деп хабарлады Елбасының ресми сайты.  Кездесу барысында Елбасы екі ел қатынастарының дамуындағы оң динамиканы атап өтті. "Бұл менің Қазақстанның Тұңғыш президенті мәртебесінде сіздерге алғаш келуім. Елімізде экономикалық даму бағдарламаларын жүзеге асыру және тәуелсіздікті нығайту жұмыстары жалғасуда. Біздің қарым-қатынасымыз қарқынды дамып жатыр, – деді Нұрсұлтан Назарбаев. Елбасы қазір екі елдің ынтымақтастықты кеңейту үшін біраз мүмкіндігі бар екенін атап өтті. Сауда көлемін арттыру маңызды. "Біз тиісті логистиканы құрдық. Ертең Түркі кеңесінің отырысы өтеді. Мен құрметті төраға мәртебесін қуана қабылдадым, өйткені мемлекеттеріміздің арасындағы ынтымақтастықты нығайтуға үлес қосуды жалғастырғым келеді", – деп толықтырды Назарбаев. Ал Ильхам Әлиев Елбасыға Түркі кеңесінің отырысына келгені үшін алғыс білдірді және оның екіжақты қатынастарды нығайтуға қосқан үлесін атап өтті. "Қазақстанның Тұңғыш президентін Әзербайжан жерінде қарсы алу біз үшін зор мәртебе. Сіз Әзербайжанның үлкен досысыз. Көптеген халықаралық мәселе бойынша әрқашан біздің елімізді қолдадыңыз. Сіздің түркі тілдес елдер арасындағы ынтымақтастықты нығайтудағы үлесіңіз орасан. Мерейтойлық саммиттің Бакуде өтіп жатқанына біз өте қуаныштымыз", – деді Әзербайжан Республикасының президенті. Сонымен қатар, Ильхам Әлиев Қазақстан астанасының салынуы Баку қаласының дамуына үлгі болғанын айтты. "Мен Қазақстан астанасының тез өзгергенін байқадым. ЭКСПО көрмесін тамашалаған кезде құрылыстың ауқымы мен сәулеттік шеберлігіне риза болдым. Қазақстанның барлық жетістігі Сіздің атыңызбен байланысты", – деді Әзербайжан Республикасының президенті.