Антарктида жабайы жануарлардың қорығына айналуы мүмкін

Антарктидада қорық ашылуы мүмкін. Мұндай бастаманы «Гринпис» ұйымы көтерді, деп хабарлайды Хабар 24 телеарнасы. Қорықтың көлемі екі миллион шаршы шақырым аумақты қамтиды. Егер бастама қолдау тауып, жүзеге асатын болса, бұл жер жабайы жануарларға қорған болатын әлемдегі ең үлкен қорыққа айналады. Қазір ғалымдар аймақтың экологиялық ахуалын зерттеуге кіріскен. Олар жаһандық жылынудың Антарктидаға әсері қандай, ластану деңгейі қаншалықты жылдам және тылсым табиғаттың үйлесімділігін бақылауға кіріскен. Ал қорық құру туралы жоба Еуропалық одақтың қарауына ұсынылды. Ол қазан айында Аустрияда өтетін конференцияда талқыланбақ. Қазірдің өзінде Германия үкіметі қолдау білдіріп отыр. «Қазір балық аулаумен айналысатын компаниялардың іс-әрекетін бақылап отырмыз. Басым бөлігі ұсақ шаяндарды аулауға бет бұрған. Ал бұл шаяндар - теңіз жануарларының негізгі азығы. Сондықтан олардың азайып не жойылып кетуі өзгелеріне кері әсер етуі де мүмкін», деп мәлім етті