Тағы бір бойжеткен селфидің құрбаны болды. Мәскеу қаласында 21 жастағы бойжеткен өзінің тапанша ұстаған сәтін суретке түсіремін деп абайсызда өзін атып жіберіпті.
Ұялы телефондағы кнопканы басуға ұмтылған қыз екінші қолындағы тапаншаның шүріппесін басып жіберген. Зардап шегушіге тапанша оғы оң жақ самайынан тиіпті. Бұл туралы жергілікті полиция өкілдері мәлімдеген. Бұл төтенше оқиға Мәскеу қаласындағы жеке фирмалардың бірін болған. Ғимаратты күзетіп отырған сақшының қалдырып кеткен тапаншасымен суретке түспек болған қыз ауыр халде ауруханаға жеткізілген. Бұл өз-өзін суретке түсіру барысында орын алған оқыс оқиғалардың алғашқысы емес.