ҚР халқына берілген ипотекалық кредиттер көлемі бір жыл ішінде 16 миллиард теңгеден астамға азайды және қыркүйек айының аяғында 885 миллиард теңгені құрады, деп хабарлайды ranking.kz.
Нарықтағы белсенділіктің бәсеңдеуі өткен жылы байқалған, ол кезде ипотекалық кредит қоржыны іс жүзінде өзгермеген болатын. Бірақ та осы жылы нарықтағы қозғалыс оларды азайтуға бет бұрудан басталды. Іс жүзінде нарықтағы жалғыз белсенді қатысушы ағымдағы жылы Тұрғын үй құрылыс жинақ банкі болды. Нарықтың 34%-ы - бұл ТҚЖБ берген тұрғын үйлік қарыздар. ТҚЖБ ипотекасына сұраныс қарыз алушылар үшін осындай кредит беру құнының төмендігімен түсіндіріледі.
Қазір ҚР ипотекалық қарыздарды 34 банктің 18-і ұсынады (74 ұсыныс). Бір жыл бұрын тұрғын үй сатып алуға кредиттерді 23 банк ұсынған. ТҚЖБ ипотека бойынша ең төменгі ипотекалық мөлшерлеме - 4%, 7,2% және 7,9%, екінші орында АТФ - 7,5%, үштікті БЦК тұйықтайды - 8,1%. Қазіргі сәтте ТҚЖБ-да 730 мың қолданыстағы депозиттер бар, ағымдағы жылғы қаңтар-қыркүйек айларында тұрғын үй жинақ жүйесіне 187 мың жаңа қатысушы енгізілді.