Қазан айында Елбасы Иорданияға барады

Алдағы қазан айында ҚР Президенті Нұрсұлтан Назарбаев Иорданияға сапармен барады. Бұл туралы елордадағы Сауда-экономикалық және мәдени-гуманитарлық ынтымақтастық жөніндегі Қазақстан-Иордания Үкіметаралық комиссияның төртінші отырысында мәлім болды. «Мемлекет басшысының Иорданияға ресми сапары 2016 жылдың қазанына жоспарланып отыр»,-деді ҚР Ауыл шаруашылығы вице-министрі Ермек Көшербаев. Атап айтқанда, сапар барысында азаматтық қорғаныс пен төтенше жағдайларды жою саласында және лаңкестікпен, ұйымдасқан қылмыспен, есірткінің заңсыз айналымымен күрес салаларында ынтымақтастық туралы құжаттарға қол қойылуы көзделуде.