20 Қыркүйек, 15:14 968 0 Жаңалықтар Анар ЛЕПЕСОВА

Елордадағы "бүкір көпір" құлады

Елорданың Алаш тас жолы бойындағы «бүкір көпір» аталып кеткен көпірдің бір жақ шеті опырылып құлады.

Нұр-Сұлтан қалалық төтенше жағдайдар департамнетінің мәліметіше, көпірдің құлағаны туралы ақпарат бүгін таңертеңгі сағат 04-50-те түскен. Оқиға орнына мән-жайды анықтау үшін ТЖД мамандары аттанған.

Нәтижесінде «ҚазақЖолҚұрылыс» ЖШС-ның көпірді бөлшектеу жұмыстары барысында темір-бетон арқалықтың темір жолдың үстіне құлағаны анықталған.

«Оқиға орнында жолды тазалау, көпірді бөлшектеу жұмыстары жүргізіліп жатыр. Пойыз қозғалысында іркіліс жоқ. Көпір үстімен машиналардың жүруіне тек сол жақ бөлігі ғана жабылған. Қаза тапқандар мен зардап шеккендер жоқ», - деп атап өтеді департаменттен.

 

Соңғы жаңалықтар