31 Шілде, 15:57 334 0 Жаңалықтар Асыл ТҰМАР

Атырау шекарасына мобильді бекеттер қойылды

Атырау қаласының полицейлері Құрбан айт кезінде карантин шараларының сақталуын қадағалауда.

Облыстық Полиция департаменті баспасөз қызметінің мәліметінше, құрбандыққа шалынатын ірі және уақ малды Атырау қаласына кіргізбеу үшін «Атырау-Астрахань», «Атырау-Орал», «Атырау-Доссор», «Атырау-Индер» бағытына қатынайтын жол бойындағы Қараөзек, Береке, Ақжар ауылдары мен телемұнара тұсында мобильді бекеттер қойылған.

Сондай-ақ, мұндай мобильді бекет Батыс Қазақстан облысымен шекарадағы Аққала елді мекенінің тұсында да бар.

«Азаматтарды облыс аумағында коронавирустық инфекцияның таралуын, жұқтыру фактілерін азайтуға бағытталған шектеулерді, Құрбан айт мерекесі күндері іс-шараларды өткізуге тыйым салу туралы қаулы талаптарын орындауға шақырамыз. Бұған дейін жарияланған індет жағдайында құрбандық шалу алгоритмін сақтаған дұрыс», – деп атап өтті Атырау облыстық полиция департаментінің бастығы Қамза Үмбетқалиев.

Соңғы жаңалықтар