Еліміздегі дәрі-дәрмек өндірушілері арасында конкурс басталды

Еліміздегі дәрі-дәрмек өндірушілері арасында конкурс басталды

Еліміздегі дәрі-дәрмек өндірушілері арасында конкурс басталды
ашық дереккөзі
Отандық фармацевтикалық өндірушілермен 1 659 атаулы дәрі-дәрмек пен медициналық мақсаттағы бұйым бойынша ұзақмерзімді келісімшарт жасасу үшін байқау басталды. Бұл туралы «СК-Фармация» компаниясы мәлімдеді. 15 маусымға дейін фармацевтикалық өндірушілер байқау нәтижесінде өз өнімін елдің медициналық ұйымдарына жеткізуге он жылдық келісімшарт жасасуға өтінім бере алады. ҚР Денсаулық сақтау вице-министрі Людмила Бюрабекова отандық өндірушілерге көп көңіл бөлінетінін айтты. «Президент Қасым-Жомарт Тоқаев ел экономикасы өзін-өзі қамтамасыз етуін арттыруы қажеттігін айтып, арнайы бұйрық берді. Коронавирус пандемиясына байланысты барлық мемлекеттің оқшаулануы жағдайында елімізді жеке қорғаныс құралдары және қажетті дәрі-дәрмекпен жеткілікті түрде қамтамасыз ету үшін өз ресурстарымыздың болуы қаншалықты маңызды екенін көрсетті», – дейді Людмила Бюрабекова. «СК-Фармация» АҚ басқарма төрағасы Берік Шәріптің айтуынша, байқауға 1 659 атаулы зат жарияланды, оның ішінде 116 дәрі-дәрмек пен 1543 медициналық мақсаттағы бұйым бар.