19 Мамыр, 12:58 725 0 Білім Анар ЛЕПЕСОВА

Қазақтан мектептерінде соңғы қоңырау онлайн режимде соғылады

25 мамыр күні Қазақстанның барлық мектептерінде соңғы қоңырау онлайн режимде соғылады.

Бұл туралы ҚР Білім және ғылым вице-министрі Шолпан Каринова мәлімдеді.

«Білім саласында осы апта маңызды екендігін естере отырып, тоқсандық бақылаулардың дұрыс өткізілуін қадағалау қажет. 25 мамырда соңғы қоңырау мерекесі міндетті түрде онлайн режимде өткізілетіндігіне назар аудартамыз. Ал 3-4 маусым күндері барлық 11-сынып түлектеріне аттестат тапсыру шараларын ұйымдасқан және талаптарды сақтай отырып өткізуді ұсынамыз», - деді Шолпан Каринова министрліктің Facebook-тегі парақшасында онлайн режимде өткен аппарат жиналысында.

Осы ретте ҚР Білім және ғылым министрлігі Асхат Аймағамбетов жоғарыда аталған ұсыныстар еліміздің Денсаулық сақтау министрлігімен келісілгендігін атап өтті.

«25 мамырда онлайн режимінде 1-10 сыныптарға арналған соңғы қоңырау сынып сабақтарын өткіземіз. Жыл қорытындысын сол жерде әр сынып бойынша жасауға, оны әртүрлі уақытта өткізуге болады. Оны асыра ұйымдастырудың қажеті жоқ. Әр сынып жетекшісі қай уақытта, қалай өткізетіндігін ешқандай есепсіз, сұраусыз жеке тәртіпте өткізуі тиіс», - деді министр.

 

Соңғы жаңалықтар