25 Наурыз, 14:50 290 0 Жаңалықтар Асыл ТҰМАР

Nur Otan: партиялық бақылау комиссиясы мен қоғамдық кеңестердің жұмысы күшеймек

Мемлекет басшысы Қасым-Жомарт Тоқаевтың тапсырмасына сәйкес, «Nur Otan» партиялық бақылау комиссиясы мен аймақтардағы сыбайлас жемқорлыққа қарсы іс-қимыл жөніндегі қоғамдық кеңестердің жұмысы күшейеді, – деп жазды «Nur Otan» партиясы Төрағасының бірінші орынбасары Бауыржан Байбек өзінің инстаграм-парақшасында. 

Жазбада бұл іс-шара партияның қоғамдық қабылдауларына тұрғындардан келіп түскен өтініштерді жіті бақылау мақсатында жасалып жатқаны айтылған.

Бауыржан Қыдырғалиұлы бұл тұста азаматтардың өтініштеріне жауап бермейтін, сондай-ақ БАҚ пен әлеуметтік желілерде тұрғындар көтерген мәселелер бойынша өздеріне жауапкершілік алып, дер кезінде тиісті шешімдер қабылдамайтын лауазымды тұлғалар туралы сөз болып отырғанын жазған.

«Nur Otan» сонымен қатар дағдарысқа қарсы іс-шараларды жүзеге асыруға бөлінген қаражаттың ашық әрі тиімді жұмсалуына партиялық және қоғамдық бақылауды қамтамасыз етеді.

Соңғы жаңалықтар